09 May, 2023 03:31 PM IST | Mumbai | Gujarati Mid-day Online Correspondent
પ્રતીકાત્મક તસવીર (તસવીર સૌજન્ય : આઇસ્ટૉક)
‘મધર્સ ડે’ (Mother’s Day) એટલે કે મમ્મી પર પ્રેમ વરસાવવાનો વિશેષ દિવસ. અનેક દેશોમાં મે મહિનાના બીજા રવિવારે ઉજવવામાં આવે છે. આ વર્ષે ‘મધર્સ ડે’ (Mother’s Day 2023) `4 મેના રોજ છે. મધર્સ ડે એ માતાના બલિદાન, પ્રેમ અને સમર્પણના મહત્વને પ્રકાશિત કરવાનો અને ઉજવવાનો દિવસ છે. આ દિવસે, બાળકો તેમની માતાને શુભેચ્છાઓની સાથે ગિફ્ટ કે પછી પુષ્પ આપીને લાગણીઓ વ્યક્ત કરે છે. પણ મમ્મીને શું આપવું તે મુંઝવણ હંમેશા રહે જ છે. જો તમે પણ આ મધર્સ ડે પર તમારી મમ્મીને ખુશ કરવા માંગો છો પણ ગિફ્ટ શું આપવી એની મુંજવણ છે તો વાંચો આ આર્ટિકલ…
મમ્મીને ગિફ્ટ આપવા માટે જ્વેલરી એક સારો વિકલ્પ છે. તમે તમારા બજેટ પ્રમાણે સસ્તી-મોંઘી, નાની-મોટી કે સોના-ચાંદીની કોઈપણ જ્વેલરી પસંદ કરી શકો છો. જરૂરી નથી કે તમે માત્ર સોનું અને ચાંદી જ લો, તમે હાથથી બનાવેલી કોઈપણ જ્વેલરી પણ લઈ શકો છો. ખાસ કરીને ઇયરિંગ્સ ખૂબ જ સુંદર લાગે છે. આજકાલ બજારમાં ઘણા પ્રકારની જ્વેલરી મળી રહે છે.
મમ્મી જ્યાં પણ જાય ત્યાંથી હંમેશા બાળકો માટે ખરીદી કરતી જ હોય છે. પરંતુ પોતાના માટે કંઈ ન લે. જો તમારી માતા પણ આવી છે, તો તમે તેના માટે કપડાં ખરીદી શકો છો. કોઈપણ સાડી, સૂટ, ડ્રેસ, દુપટ્ટા કે શાલ વગેરે મમ્મીને સૂટ કરશે.
મમ્મી ઘરની બહાર જાય ત્યારે તેના હાથમાં હેન્ડબેગ હોય જ છે. એટલે મમ્મીને એક સારી હેન્ડબેગ ગિફ્ટ કરી જ શકાય. જો મમ્મીને કોઈ ફેન્સી હેન્ડબેગ ન ગમતી હોય, તો તમે તેની બોહો હેન્ડબેગ અથવા ગુજરાતી હેન્ડબેગ પણ ખરીદી શકો છો. આવી હેન્ડબેગ્સ ઓનલાઈન કરતાં ઓફલાઈન માર્કેટમાં વધુ સારી મળે છે.
જ્યારથી ફોનમાં ફોટો અને સેલ્ફી પડવા લાગ્યા છે ત્યારથી બહુ ઓછા લોકો ઘરે ફોટો આલ્બમ્સ રાખે છે. તમે મમ્મીને બેસ્ટ તસવીરોનો ફોટો આલ્બમ આપી શકો છો. આ આલ્બમમાં તમારા, મમ્મીના અને ફૅમેલીની તસવીરો મુકી શકાય છે. અલ્બમ માટે તસવીરો ભેગી કરવાનું આજથી જ શરુ કરી દો.
આજકાલ બધું જ એડવાન્સ થઈ ગયું છે. મમ્મીને પણ ટૅક સેવી બનાવો. હેન્ડ્સફ્રી, ઇયરબડ્સ, AI સ્પીકર, બ્લૂટૂથ સ્પીકર અને સ્માર્ટ વોચ વગેરે ગિફ્ટ કરી શકાય છે. જે મમ્મીઓ મોબાઈલ બહુ યુઝ ન કરતી હોય તેને ફોનમાં નવી વસ્તુઓ શિખવાડવાની ભેટ પણ આપી શકો છો.