સાપ્તાહિક રાશિભવિષ્ય: કુંભ રાશિને પ્રેમસંબંધમાં મળી શકે છે નિષ્ફળતા

સાપ્તાહિક રાશિભવિષ્ય: કુંભ રાશિને પ્રેમસંબંધમાં મળી શકે છે નિષ્ફળતા

રાશિફળ

મેષ (અ,લ,ઈ) : આકસ્મિક ધનપ્રાપ્તિ, ઉચ્ચ સરકારી પદાધિકારી દ્વારા માન-સન્માન સાથે અવૉર્ડ પ્રાપ્ત થાય. બુધવારે મહાદેવજીના લિંગ પર લીલું નાળિયેર અર્પણ કરવું.

વૃષભ (બ,વ,ઉ) : સાસરા પક્ષમાં સંબંધોમાં તિરાડ પડે તેમ જ પાણીજન્ય ચીજવસ્તુ પીવાથી બીમારી આવી પડે. શુક્રવારે મહાલક્ષ્મીના મંદિરે જઈને સફેદ મીઠાઈ અર્પણ કરવી.

મિથુન (ક,છ,ઘ) : કથા, પ્રવચન, સત્સંગ, શિબિરમાં જવાનો અવસર આવે. સંતાનો તરફથી સારા સમાચાર મળે. આવક કરતાં જાવક વધી ન જાય એની તકેદારી રાખવી. દરરોજ ભિક્ષુકને એક રૂપિયો રોકડો આપો.

કર્ક (હ,ડ) : બૅન્કમાં બૅલૅન્સ વધે. પાડોશીથી સારા સમાચાર મળે. શક્ય હોય તો નિયમિત સફેદ કપડાં પહેરવાં.

સિંહ (મ,ટ) : મહત્વના નિર્ણય લેવાઈ જાય જેનાથી આર્થિક ફાયદો થાય. આરોગ્ય માટે કાળજી રાખવી. સૂર્યને અર્ધ્ય આપવાના જળમાં સફેદ પુષ્પ અવશ્ય પધરાવો.

કન્યા (પ,ઠ,ણ) : જમીન, મકાન-મિલકતમાં ફાયદો. પ્રવાસ-પર્યટન આકસ્મિક થાય. કમરને લગતી તકલીફો થાય. માતાજીની ઉપાસના ફળદાયી નીવડે.

તુલા (ર,ત) : મહત્વની તક માટે નિર્ણય ત્વરિત લેવો. નવા-નવા સંબંધો દ્વારા ધંધાની તક મળે. ઘર કે ઑફિસમાં ચોરી થવાની શક્યતા છે એટલે વિશેષ કાળજી રાખવી.

વૃશ્ચિક (ન,ય) : સરકારી નોટિસ મળે. માનસિક ઉદ્વેગ, અશાંતિ, અજંપો રહ્યા કરે છતાં મહત્વની બાબતો માટે કાળજી રાખવી. દરરોજ શક્ય હોય તો ૧૫ મિનિટ મૌન પાળવું. નિત્ય માતાજીના મંદિરે જવું.

ધન (ભ,ધ,ફ,ઢ) : લાંબા સમયથી અટકેલાં કાર્યો થાય. પ્રાકૃતિક સ્થળે પ્રવાસ-પર્યટન થાય. પત્ની સાથે થોડા સંબંધોમાં તિરાડ પડે. શક્ય હોય તો દરરોજ ભિક્ષુકને જળપાન કરાવો.

મકર (ખ, જ) : કોર્ટ-કચેરીના અશુભ યોગ બને. માનસિક ચિંતા વધ્યા કરે. આપના ઘરે આવેલ મહેમાનોનું સ્વાગત સારી રીતે કરવાથી શીઘ્ર મનોઇચ્છા પરિપૂર્ણ થાય.

કુંભ (ગ,સ,શ) : પ્રેમસંબંધમાં નિષ્ફળતા મળે. નવી નોકરીના શુભ યોગ છે. શનિવારે કાળા કૂતરાને તેલ ચોપડેલી રોટલી ખવડાવવી.

મીન (દ,ચ,ઝ,થ) : કુટુંબ-કબીલામાં શુભ સમાચાર મળે. માંગલિક કાર્ય થાય તથા જૂના સંબંધો બગડેલા પુન: તાજા થાય. ગુરુવારે ગાયને એક મુઠ્ઠી ચણાની દાળ ખવડાવવી.

મહત્વની વિશિષ્ટ આગાહીઓ

દરેક રાજ્યમાં પોતાની માતૃભાષાનો સંવર્ધન અને પ્રચાર-પ્રસાર થાય.

આગામી ગણતરીનાં વર્ષોમાં જ્યોતિષવિદ્યાનો ફેલાવો ખૂબ જ સારી રીતે થાય.

શ્રેષ્ઠ સેલિબ્રિટી પ્રિયંકા ચોપડા વિશ્વફલક પર માન-સન્માન પ્રાપ્ત કરી ભારત દેશનું નામ રોશન કરે.