12 October, 2023 03:45 PM IST | Mumbai | Gujarati Mid-day Correspondent
રોહિત શેટ્ટી
રોહિત શેટ્ટીએ ક્રિકેટ વર્લ્ડ કપને કારણે તેના વેબ-શો ‘ઇન્ડિયન પોલીસ ફોર્સ’ને લંબાવી દીધો છે. આ શોમાં સિદ્ધાર્થ મલ્હોત્રા, વિવેક ઑબેરૉય અને શિલ્પા શેટ્ટી કુન્દ્રા જોવા મળશે. આ શો ૨૦૨૩ની દિવાળી પર રિલીઝ થવાનો હતો. આ શો દ્વારા રોહિત તેના કૉપ યુનિવર્સને ડિજિટલ પર લઈને આવી રહ્યો છે. આ શોને ઍમેઝૉન પ્રાઇમ વિડિયો પર સ્ટ્રીમ કરવામાં આવશે. આ શો લૉન્ચ માટે તૈયાર છે. જોકે રોહિત અને ઍમેઝૉન પ્રાઇમ વિડિયોની ટીમ દ્વારા મળીને આ શોને લંબાવવાનો નિર્ણય લેવામાં આવ્યો છે. હાલમાં ક્રિકેટ વર્લ્ડ કપ ચાલી રહ્યો છે અને સાથે જ ‘ટાઇગર 3’ પણ આવી રહી છે. આથી મેકર્સ દ્વારા આ શોને લંબાવવામાં આવ્યો છે. આ માટે બહુ જલદી નવી રિલીઝ-ડેટ જાહેર કરવામાં આવશે.
