06 February, 2021 05:45 PM IST | Mumbai | Shilpa Bhanushali
ફાઇલ ફોટો
ગુજરાતી ઇન્ડસ્ટ્રી માટે ગર્વની ક્ષણ છે જ્યારે એક ગુજરાતી વેબસીરિઝ મોટો પડદે રિલીઝ થવા જઈ રહી છે. અત્યાર સુધી હિન્દી વેબસીરિઝ પણ ઓટીટી પ્લેટફૉર્મ પર રિલીઝ થતી જોવા મળી છે તેવામાં જો એક ગુજરાતી વેબસીરિઝ થિયેટરમાં રિલીઝ થાય ત્યારે માત્ર ગુજરાતી ઇન્ડસ્ટ્રીને જ નહીં પરંતુ દરેક ગુજરાતીને પણ ગર્વ અનુભવવા જેવી વાત છે.
આ વેબસીરિઝ મોટા પડદે રિલીઝ થશે તે વાતની માહિતી વેબસીરિઝની મુખ્ય અભિનેત્રી જીનલ બેલાણીએ પોતે સોશિયલ મીડિયા પર પોસ્ટ કરીને આપી છે. આ પોસ્ટ શૅર કરતા તેણે લખ્યું છે કે, "ગર્વની ક્ષણો. 'તીખી મીઠી લાઇફ' પહેલી એવી વેબસીરિઝ છે જે મોટા પડદે રિલીઝ થવાની છે."
તેઓ કહે છે કે દરેક ફિલ્મની પોતાની ડેસ્ટિની હોય છે. અમારી જર્ની ખૂબ જ પ્રમાણિકતા અને મક્કમતાથી શરૂ થઈ. 'તીખી મીઠી લાઇફ' OTT પ્લેટફૉર્મ માટે જ બનાવવામાં આવી હતી, પણ તેની ડેસ્ટીનીમાં મોટી સ્ક્રીન હશે. અને આમ હવે આ વેબસીરિઝ સાથે 12 ફેબ્રુઆરી 2021ના રોજ થિયેટર્સમાં તમારી સમક્ષ પ્રસ્તુત થઈ રહ્યા છીએ."
તીખી મીઠ્ઠી લાઇફમાં ભૌમિક સમ્પત, જીનલ બેલાણી અને મુની ઝાં મુખ્ય પાત્રમાં જોવા મળશે. જીનલ બેલાણી અને ભૌમિક સમ્પતે મળીને વેબસીરિઝ પ્રૉડ્યુસ કરી છે તો વૈભવ કાર્લેકરે ડિરેકટ કરી છે. જ્યારે તપન વ્યાસ ડીઓપી રહ્યા છે. સ્ટોરી, સ્ક્રીનપ્લે અને ડાયલૉગ્સ જીનલ બેલાણીના છે. જ્યારે મ્યૂઝિક અને બૅકગ્રાઉન્ડ ભાવેશ શાહે આપ્યું છે. લિરિક્સ વૈશાખ રતનબહેનના છે તો સિંગર ફરહાદ ભિવંડીવાલાનું છે. રાકેશ સોની એડિટર છે, ખુશ આનંદ સાઉન્ડ ડિઝાઇનિંગ કર્યું છે તો સાઉન્ડ મિક્સિંગનું કામ હિતેશ ઉદાણીએ કર્યું છે. આર્ટ ડિરેક્ટર કુંજ ઠક્કર, લાઇન પ્રૉડ્યુસર દીપક શેખર અને મેકઅપ ભૂમિકા મોજીદ્રા, કોસ્ચ્યૂમ હીના પટેલ, ગ્રેડિંગ અને ઓનલાઇન ઑગસ્ટાઇન નોરોન્હા પબ્લિસીટિ ડિઝાઇન મેહુલ ઝોલાપુરા અને સ્ટીલ્સ ધનરાજ તિરકરે આપ્યું છે.