01 December, 2020 10:47 AM IST | Mumbai | Gujarati Mid-day Online Correspondent
જેઠાલાલ અને ટપુ
સબ ટીવી પર આવતો સૌનો લોકપ્રિય અને કૉમેડી શૉ તારક મહેતા કા ઉલ્ટા ચશ્મા છેલ્લા 12 વર્ષોથી દર્શકોનું મનોરંજન કરતી આવી રહી છે. આ શૉએ તાજેતરમાં 13માં વર્ષમાં પ્રવેશ કર્યો છે. આ શૉના દરેક કલાકારોએ પોતાના કૉમેડીથી દર્શકોનું મન જીતી લીધું છે, પરંતુ આ સીરિયલમાં સૌથી વધારે ચર્ચા ગડા પરિવારની થાય છે. પછી જેઠાલાલના પિતા બાપૂજીની હોય કે એમની પત્ની દયાબેન સાથે એમની લડાઈ. તારક મહેતા કા ઉલ્ટા ચશ્માએ ગયા મહિને 3000 એપિસોડ્સ પૂરા કર્યા છે.
છેલ્લા 13 વર્ષમાં આ શૉમાં આપણને ઘણા બદલાવ જોવા મળ્યા, ઘણા કલાકારોએ આ શૉ છોડી દીધો છે. જે બદલાયું છે એ છે સ્ટાર્સની કેમિસ્ટ્રી. આ શૉમાં દયાબેન (દિશા વાકાણી), અંજલી તારક મહેતા(નેહા મહેતા),રોશનસિંહ સોઢી(ગુરૂચરણસિંહ) અને બાવરીના રોલમાં મોનિકા ભદૌરિયાએ અલવિદા કહીં દીધું છે. આ બધા કલાકારોએ પોતાના ચાહકોના દિલમાં એક આગવી છાપ છોડી છે. પણ ટપુનો રોલ ભજવનાર ભવ્ય ગાંધી આજે પણ ફૅન્સ વચ્ચે યાદગાર છે. આ શૉમાં ભવ્ય ગાંધીએ 9 વર્ષ સુધી ટપુનો રોલ ભજવ્યો હતો. તે 2008થી 2017 સુધી શૉ સાથે જોડાયેલો હતો.
જ્યારે ભવ્ય ગાંધીએ શૉ છોડવાનો નિર્ણય લીધો હતો ત્યારે રાજ અનડકટે એની જગ્યા લીધી હતી. શૉમાં રાજને પણ એટલો જ પ્રેમ મળ્યો જેટલો ભવ્ય ગાંધીને મળતો હતો. બન્ને સ્ટાર્સે ટપુના રોલને સારી રીતે ભજવ્યો છે. તાજેતરમાં જ્યારે દિલીપ જોશીને સવાલ પૂછવામાં આવ્યો હતો કે ભવ્ય ગાંધી અને રાજ અનડકટમાંથી એનો સૌથી ફેવરેટ ટપુ કોણ છે?
તો આ સવાલ પર જેઠાલાલ ઉર્ફે દિલીપ જોશીએ કહ્યું કે ભવ્ય ગાંધી અને રાજ અનડકટ વિશે વાત કરતા દિલીપ જોશીએ કહ્યું કે તેઓ શૉમાં ભવ્યને ઘણા મિસ કરે છે. 9 વર્ષ સુધી ભવ્ય અને તેમણે સ્ક્રીન પર પિતા અને દીકરાનો ભજવ્યો હતો. ભવ્ય સાથે એમનું સ્પેશિયલ બૉન્ડ છે. આગળ એણે જણાવ્યું કે તારક મહેતા કા ઉલ્ટા ચશ્માના દરેક કલાકાર અનોખા છે. એટલે ભવ્ય અને રાજ વચ્ચે પસંદ કરવું ઘણું મુશ્કેલ છે.
દિલીપ જોશી આગળ જણાવતા કહ્યું કે ભવ્ય સાથે તેનો બહુ જૂનો સંબંધ છે. તેમણે કહ્યું કે ભવ્ય સાથે તેમની જે બૉન્ડિંગ છે તે ઘણી અનોખી છે. રાજ સાથે કામ કરવા અંગે દિલીપે પ્રશંસા કરતા કહ્યું કે - રાજ વાસ્તવિકમાં મહેનતી અને અદ્ભુત અભિનેતા છે. રાજે એટલા ઓછા સમયમાં બધા સાથે સારી બૉન્ડિંગ બનાવી લીધી છે. સાથે જ એમણે કહ્યું કે તેઓ ભવ્યને સૌથી વધારે મિસ કરે છે.