21 November, 2022 04:24 PM IST | Mumbai | Gujarati Mid-day Online Correspondent
મુનમુન દત્તા
તારક મહેતા કા ઉલ્ટા ચશ્મા(Taarak Mehta ka ooltah Chashmah)ની બબીતાજી ઉર્ફે મુનમુન દત્તા જર્મનીમાં વેકેશન પર હતી. આ દરમિયાન અભિનેત્રી અકસ્માતનો ભોગ (Munmun Dutta Accident)બની હતી. બબીતાજીના નામથી ફેમસ મુનમુન દત્તાએ પોતે તેના સોશિયલ મીડિયા એકાઉન્ટ પર આ વિશે માહિતી આપી છે. મુનમુન દત્તાએ કહ્યું કે અકસ્માત થતાં હવે રજાના દિવસો ટૂંકા કરીને તે ઘરે પરત ફરશે.
મુનમુન દત્તાએ 21 નવેમ્બરે ઈન્સ્ટાગ્રામ પર સ્ટોરી શેર કરીને પોતાના અકસ્માત વિશે જણાવ્યું હતું. અભિનેત્રીએ લખ્યું, `જર્મનીમાં એક નાનો અકસ્માત થયો છે. મને મારા ડાબા ઘૂંટણમાં ખરાબ રીતે ઈજા થઈ છે. મારે મારી સફર ટૂંકી કરીને ઘરે પરત ફરવું પડશે.` મુનમુને પોસ્ટના અંતમાં તૂટેલા દિલનું ઈમોજી પણ મૂક્યું છે. સ્વાભાવિક છે કે દુર્ઘટનાને કારણે તેણે તેની યુરોપ ટ્રીપ વહેલી પૂરી કરવી પડી છે તેથી તે દુઃખી છે. જેવું મુનમુન (મુનમુન દત્તા ઇન્સ્ટાગ્રામ)એ તેના અકસ્માત વિશે જણાવ્યું, ત્યારથી ચાહકો તેને ઝડપથી સાજા થાય તેવી કામના પાઠવી રહ્યા છે.
નોંધનીય છે કે, બબીતા જીનો રોલ પ્લે કરનાર મુનમુન દત્તા જર્મની પહેલા સ્વિટ્ઝરલેન્ડમાં ધૂમ મચાવી રહી હતી. તેને જર્મની ગયાને બે દિવસ જ થયા હતા. મુનમુન દત્તાએ સ્વિટ્ઝર્લેન્ડમાં ખૂબ જ સુંદર નજારો માણ્યો હતો અને ઊંચા પર્વતો, તળાવના કિનારે ફરતી વખતે તેના ચાહકો માટે સોશિયલ મીડિયા પર તસવીરો શેર કરી હતી. આ તસવીરોમાં મુનમુન દત્તા ખૂબ જ ખુશ દેખાઈ રહી હતી. પરંતુ કમનસીબે તેનો અકસ્માત થયો અને હવે તેણે સફર અધવચ્ચે છોડીને ઘરે પરત ફરવું પડશે. મુનમુન દત્તા કામમાંથી બ્રેક લઈને યુરોપના પ્રવાસે ગઈ હતી.