12 January, 2021 05:13 PM IST | Mumbai | Gujarati Mid-day Online Correspondent
વિકાસ ગુપ્તા તસવીર સૌજન્ય - જાગરણ
કલર્સ ચેનલનો સૌથી મોટો રિયાલિટી શૉ બિગ-બૉસ 14 પોતાના અડધાથી વધારેનો સફર પૂર્ણ કરી લીધો છે, પંરતુ શૉમાં હમણાં પણ સતત ટ્વિસ્ટ એન્ડ ટર્ન્સ આવી રહ્યા છે. ક્યારે શૉકિંગ એવિક્શન તો ક્યારેક શૉકિંગ એન્ટ્રી, આ સીઝનમાં શરૂઆતથી જ ઘણા બદલાવ જોવા મળ્યા છે. તેમ જ હવે બિગ-બૉસમાં હજી એક ટ્વિસ્ટ આવવાનો છે. બિગ-બૉસના માસ્ટર માઈન્ડ કહેવાતા વિકાસ ગુપ્તા ફરીથી ઘરથી બહાર જઈ શકે છે.
બિગ-બૉસનું ફૅન પેજ 'ધ ખબરી'ના રિપોર્ટ અનુસાર વિકાસ ગુપ્તાની તબિયત સારી ન રહેવાને કારણે તો શૉથી બહાર નીકળી જશે. હકીકતમાં આ પહેલા બિગ-બૉસના એક્સ કન્ટેસ્ટન્ટ અને બિગ-બૉસ 14 ચેલેન્જર બનીને આવેલા મનુ પંજાબી પણ શૉમાંથી બહાર જઈ ચૂક્યા છે. તેમને પણ હેલ્થ ઈશ્યૂના કારણે શૉ છોડવો પડ્યો હતો. તેમ જ વિકાસને પણ લાંબા સમયથી આવું સાંભળવા મળ્યું છે કે તેમની તબિયત સારી નથી. આ કારણ છે કે તેમના શૉ છોડવાના સમાચાર સામે આવી રહ્યા છે.
તમને જણાવી દઈએ કે જો વિકાસ ગુપ્તા શૉને છોડીને જાય છે, તો આવું બીજી વાર હશે. જ્યારે તેઓ બિગ-બૉસ હાઉસથી બહાર જશે. આની પહેલા વિકાસને સજા તરીકે ઘરમાંથી બહાર કાઢી મૂકવામાં આવ્યા હતા. અર્શી ખાન સાથે તૂ-તૂ-મેં-મેં થયા બાદ વિકાસે અર્શી ખાનને સ્વિમિંગ પૂલમાં ધક્કો માર્યો હતો, જે બિગ-બૉસના ઘરના નિયોમનું ઉલ્લંઘન હતું. આ જ કારણે બિગ-બૉસે તેમને ઘરથી બહારનો રસ્તો બતાવ્યો હતો. આ આખી ઘટના બાદ સલમાને અર્શીને જોરદાર ઠપકો આપ્યો હતો, જોકે થોડા દિવસો પછી વિકાસને પણ પાછા બોલાવવામાં આવ્યા હતા. વિકાસ બિગ બોસ 14માં એક ચેલેન્જર તરીકે આવ્યો છે.