ફ્રાન્સની સૌથી મોટી લાઇવ એક્શન એડવેન્ચર આ ફિલ્મ ૧૨ મેએ સિનેમાઘરોમાં થશે રિલીઝ

સૌથી મોટા હોમ પ્રોડક્શન્સમાંથી એક તરીકે ઓળખાતી ‘એસ્ટેરિક્સ ઍન્ડ ઑબેલિક્સ - ધ મિડલ કિંગડમ’નું શૂટિંગ ફ્રાન્સ અને ચીનમાં કરવામાં આવ્યું છે

તસવીર સૌજન્ય: પીઆર

ફ્રાન્સ (France)ની સૌથી મોટી લાઇવ એક્શન એડવેન્ચર ‘એસ્ટેરિક્સ ઍન્ડ ઑબેલિક્સ - ધ મિડલ કિંગડમ’ (Asterix and Obelix - The Middle Kingdom) સમગ્ર ભારતમાં અંગ્રેજી, હિન્દી અને તમિલમાં રિલીઝ થશે. આ ફિલ્મ, એક્શન, સાહસ અને કૉમેડીનો સમાન ડોઝ દર્શકોને આપવા તૈયાર છે. વિશ્વની સૌથી લોકપ્રિય કૉમિક સિરીઝમાંની એક – એસ્ટેરિક્સ અને ઓબેલિક્સ અગાઉ પણ ઘણીવાર વિવિધ ભાષાઓમાં અનુવાદિત કરવામાં આવી છે. સિરીઝની સફળતાને કારણે તેના પુસ્તકોને ફિલ્મોમાં રૂપાંતરિત કરવામાં આવ્યા છે. એસ્ટેરિક્સ ઍન્ડ ઑબેલિક્સ - ધ મિડલ કિંગડમ એ પ્રથમ લાઇવ-એક્શન એસ્ટરિક્સ ફિલ્મ છે જે સંપૂર્ણ મૂળ વાર્તા છે.

સૌથી મોટા હોમ પ્રોડક્શન્સમાંથી એક તરીકે ઓળખાતી ‘એસ્ટેરિક્સ ઍન્ડ ઑબેલિક્સ - ધ મિડલ કિંગડમ’નું શૂટિંગ ફ્રાન્સ અને ચીનમાં કરવામાં આવ્યું છે. વાર્તા ચીની સમ્રાટ હાન ઝુઆન્ડીની એકમાત્ર પુત્રીની આસપાસ ફરે છે, જે રાજકુમારથી છટકી જાય છે અને બે બહાદુર યોદ્ધાઓ એસ્ટેરિક્સ અને ઑબેલિક્સ પાસેથી મદદ માગીને ગૌલ તરફ ભાગી જાય છે. લવ ફિલ્મ્સ અને સ્ટાર એન્ટરટેઈનમેન્ટ 12મી મેના રોજ અંગ્રેજી, હિન્દી અને તમિલમાં ભારતમાં આ ફિલ્મ થિયેટરોમાં લાવશે.

ગિલાઉમ કેનેટ દ્વારા દિગ્દર્શિત, જેઓ એસ્ટેરિક્સની ભૂમિકામાં પણ જોવા મળશે, જે રેને ગોસિની, આલ્બર્ટ ઉડેરઝો અને ગિલાઉમ કેનેટ દ્વારા લખવામાં આવી છે. આ મૂવીમાં ગિલ્સ લેલોચે, વિન્સેન્ટ કેસેલ, જોનાથન કોહેન, મેરિયન કોટિલાર્ડ, જુલિયન ચેન અને લેના ચેઆ પણ જોવા મળશે.

આ પણ વાંચો: ‘ગાર્ડિયન ઑફ ધ ગૅલૅક્સી’ના ડિરેક્ટર જેમ્સ ગનને કામ કરવું છે જુનિયર એનટીઆર સાથે

અગાઉ કોરિયન એક્શન-થ્રિલર `ધ વિચ- પાર્ટ 2` માટે સહયોગ કર્યા બાદ LUV ફિલ્મ્સ અને સ્ટાર એન્ટરટેઈનમેન્ટ ‘એસ્ટેરિક્સ ઍન્ડ ઑબેલિક્સ - ધ મિડલ કિંગડમ’ પણ ભારતમાં 12મી મેના રોજ અંગ્રેજી, હિન્દી અને તમિલમાં સિનેમાઘરોમાં સાથે રિલીઝ કરશે.