જિમી કિમલે કેમ આપી ‘નાટુ નાટુ’ની ધમકી?

વિજેતાને ફક્ત ૪૫ સેકન્ડની સ્પીચ માટે સમય આપવામાં આવે છે.

જિમી કિમલે કેમ આપી ‘નાટુ નાટુ’ની ધમકી?

ઑસ્કર અવૉર્ડના હોસ્ટ જિમી કિમલે શોની શરૂઆતમાં જ ત્યાં હાજર દરેકને ‘નાટુ નાટુ’ની ધમકી આપી હતી. ‘RRR’ના ગીત ‘નાટુ નાટુ’ને ઑસ્કરમાં બેસ્ટ ઓરિજિનલ સૉન્ગ માટે નૉમિનેટ કરવામાં આવ્યું હતું અને એને એ અવૉર્ડ મળ્યો પણ છે. આ અવૉર્ડ શોના ઘણા નિયમ છે અને એમાંથી એક છે સ્પીચ બોલવા માટેનો ચોક્કસ સમય. વિજેતાને ફક્ત ૪૫ સેકન્ડની સ્પીચ માટે સમય આપવામાં આવે છે. અત્યાર સુધી એવું હતું કે સ્પીડ-લિમિટની બહાર જતાં મ્યુઝિક વગાડવાનું શરૂ કરી દેવામાં આવે છે અને એ ધીમે-ધીમે એકદમ જોરમાં થતું જાય છે જેથી વિનર તેની લિમિટ બહાર જાય તો પણ તે શું બોલે છે એને સાંભળી ન શકાય. જોકે આ વખતે મસ્તીના મૂડમાં આવી જિમી કિમલે કોઈ પણ વિનર સ્પીડ-લિમિટની બહાર ગયો તો તેને ડાન્સ દ્વારા સ્ટેજ પરથી નીચે ઉતારવામાં આવશે એવી ધમકી આપી હતી. આ બોલતાંની સાથે જ સ્ટેજ પર કેટલાક ડાન્સર ‘નાટુ નાટુ’નો ડાન્સ કરતાં આવી ચડે છે.