09 December, 2023 07:39 AM IST | Mumbai | Gujarati Mid-day Correspondent
ગોટી સોડા
સંજય ગોરડિયા ફરી એક વખત ‘ગોટી સોડા 4’ દ્વારા લોકોને હસાવવા આવી ગયા છે. એની અગાઉની ત્રણ સીઝન ખૂબ ધમાકેદાર રહી છે. શેમારુમી પ્લૅટફૉર્મ પર આ શો રિલીઝ થયો છે. શોની આ વખતની સીઝનમાં પ્રફુલ્લ પર ફોકસ કરવામાં આવશે. તે એક સ્ટૉક બ્રોકર અને સરળ વ્યક્તિ છે. તે નાની-નાની ક્ષણોમાંથી પણ આનંદ મેળવી લે છે. આ સિરીઝ વિશે સંજય ગોરડિયાએ કહ્યું કે ‘સિરીઝ ‘ગોટી સોડા’ હાસ્ય અને પારિવારિક મનોરંજનનો પર્યાય બની ગઈ છે. એ મારા માટે એક વિશેષ સ્થાન ધરાવે છે. એનો ભાગ બનીને ખુશનુમા જગતમાં પ્રવેશ કરવા જેવું લાગે છે. એ રીલ અને રિયલ વચ્ચેની ભેદરેખાઓને ઝાંખી કરી દે છે. હું આ ક્રેઝી પરિવારને પાછો લાવવા માટે ખૂબ ઉત્સુક છું, જેને અમારા દર્શકો પૂજવા લાગ્યા છે. આ સીઝનમાં પપ્ુ અને તેના પારિવારિક જીવનની ઘટનાઓને ઊંડાણપૂર્વક દેખાડવામાં આવી છે જે રમૂજ સાથે વિવિધ સંબંધોનાં પાસાંઓને બહાર લાવે છે. મને વિશ્વાસ છે કે આ સીઝનમાં અતિશય આનંદ અને પારાવાર મનોરંજન મળી રહેશે.’