09 February, 2021 12:35 PM IST | Mumbai | Mumbai correspondent
મહિલાઓને સેલિબ્રેટ કરતી ફિલ્મોમાં કામ કરવું છે વાણીને
વાણી કપૂરે મહિલા કેન્દ્રિત અને તેમની લાઇફને સેલિબ્રેટ કરતી હોય એવી ફિલ્મોમાં કામ કરવું છે. તે હાલમાં અક્ષયકુમાર સાથે ‘બેલ બૉટમ’, રણબીર કપૂર સાથે ‘શમશેરા’ અને આયુષ્માન ખુરાના સાથે ‘ચંડીગઢ કરે આશિકી’માં કામ કરી રહી છે. આ તમામ ફિલ્મો હીરો ઓરિએન્ટેડ છે. જોકે હવે તેને મહિલાપ્રધાન ફિલ્મમાં કામ કરવું છે. આ વિશે વાત કરતાં વાણીએ કહ્યું હતું કે ‘એક મહિલા તરીકે મારે મહિલા, તેમની લાઇફ અને તેમના નિર્ણયને સેલિબ્રેટ કરતી ફિલ્મોમાં કામ કરવું છે. હું નસીબદાર છું કે મને મારી નાનકડી કરીઅરમાં ‘શુદ્ધ દેશી રોમૅન્સ’, ‘બેફિકરે’ અને ‘વૉર’માં મહત્ત્વનાં પાત્ર મળ્યાં હતાં. આ ફિલ્મોમાં દેખાડવામાં આવ્યું છે કે મહિલાઓ કેવી ઉત્સાહથી ભરપૂર, મહત્ત્વાંકાક્ષી અને સ્ટ્રૉન્ગ હોય છે. હું હંમેશાંથી મહિલાઓને સેલિબ્રેટ કરતી ફિલ્મમાં કામ કરવા માગતી હતી. આપણે નસીબદાર છીએ કે આજની જનરેશન ફૉર્વર્ડ છે અને તેઓ એવી ફિલ્મો જોવાનું પસંદ કરે છે જેમાં મહિલાઓને ફૂલદાનીની જેમ ટ્રીટ કરવામાં ન આવી હોય.’