05 January, 2021 05:44 PM IST | Mumbai | Gujarati Mid-day Correspondent
વાણી કપૂર
વાણી કપૂરનું કહેવું છે કે તેની કરીઅરમાં પહેલી વાર એવું બનવા જઈ રહ્યું છે કે તેની એક જ વર્ષમાં ત્રણ ફિલ્મો રિલીઝ થઈ રહી છે. આ વર્ષે તેની અક્ષયકુમાર સાથે ‘બેલબૉટમ’, રણબીર કપૂર સાથે ‘બેશરમ’ અને આયુષ્માન ખુરાના સાથે ‘ચંડીગઢ કરે આશિકી’ રિલીઝ થઈ રહી છે. આ વિશે વાત કરતાં વાણીએ કહ્યું હતું કે ‘હું 2021ની ખૂબ જ આતુરતાથી રાહ જોઈ રહી હતી. આ વર્ષે મારી ત્રણ ફિલ્મ રિલીઝ થઈ રહી છે જેવું આ પહેલાં ક્યારેય નહોતું થયું. મારી ત્રણે ફિલ્મ ‘બેલબૉટમ’, ‘બેશરમ’ અને ‘ચંડીગઢ કરે આશિકી’માં દર્શકો મને અલગ રૂપમાં જોશે. હું હંમેશાં એક એવી પર્ફોર્મર બનવા માગતી હતી જે રિસ્ક લેવામાં ડરે નહીં અને પોતાને સતત ચૅલેન્જ આપતી રહે. આ ત્રણ ફિલ્મોથી મને એ કરવા મળ્યું છે. અક્ષય સર, રણબીર અને આયુષ્માનની સાથે કામ કરવાની સાથે અદ્ભુત ડિરેક્ટર્સ સાથે કામ કરીને પણ મને ઘણું શીખવા મળ્યું છે. હું એનાથી ખૂબ જ ખુશ છું.’