23 July, 2022 05:26 PM IST | Mumbai | Gujarati Mid-day Online Correspondent
પ્રિયંકા ચોપરા જોનસ
રણવીર સિંહ છેલ્લા કેટલાક દિવસોથી પેપર મેગેઝીન માટે પોતાના ન્યૂડ ફોટોશૂટને કારણે ચર્ચામાં છે. જ્યાં ચાહકોને ફોટોશૂટ પસંદ આવ્યું છે, ત્યાં અન્ય ઘણા સોશિયલ મીડિયા યુઝર્સ તરફથી મિશ્ર પ્રતિક્રિયાઓ આવી છે. તાજેતરમાં રણવીરે તેના ઇન્સ્ટાગ્રામ હેન્ડલ પર ફોટા શેર કર્યા છે જેના પર પ્રિયંકા ચોપરા, લિલી સિંહ, મસાબા ગુપ્તા, દિયા મિર્ઝા, બાની જજ, મહિપ કપૂર, મનીષ મલ્હોત્રા અને ઘણા વધુ જેવા સેલિબ્રિટી મિત્રો તરફથી ઘણી પ્રતિક્રિયાઓ આવી છે.
રણવીરના ન્યૂડ ફોટોશૂટ પર પ્રિયંકાની પ્રતિક્રિયા
રણવીરની નજીકના સ્ટાર્સમાં પ્રિયંકાનું નામ સૌથી ઉપર છે. રણવીરનું બોલ્ડ ફોટોશૂટ જોઈને પ્રિયંકા તેના મિત્રના વખાણ કરવા ખુદને રોકી શકી નથી. તેણીએ કમેન્ટ બોક્સમાં લખ્યું, "મેજર (ફાયર ઇમોજી)". બીજી તરફ લીલી સિંહે પણ રણવીરની તસવીરોના કોમેન્ટ સેક્શનમાં જઈને આ અંગે પોતાની પ્રતિક્રિયા આપી છે. તેણે લખ્યું, "મેજર જીત (ફાયર ઇમોટિકન)." મહિપ કપૂર અને મનીષ મલ્હોત્રાએ ફાયર ઇમોટિકન્સ પર ટિપ્પણી કરી હતી જ્યારે પરિણીતીએ તેને `ફાયર` કહ્યો હતો. મસાબા ગુપ્તાએ તેને અત્યાર સુધીનું શ્રેષ્ઠ ફોટોશૂટ ગણાવ્યું છે. તેણે લખ્યું, "આ દેશે જોયેલા શ્રેષ્ઠ કવર શૉટ. બહાદુર અને પ્રિય"
આ શૂટ પર રણવીર સિંહની પ્રતિક્રિયા પણ સામે આવી છે. તે કહે છે કે આ તેના માટે કોઈ મુદ્દો નથી. રણવીરે વધુમાં જણાવ્યું કે સ્ક્રીન પરના તેના કેટલાક અભિનયમાં તે `નગ્ન` છે અને લોકો તેનો `આત્મા` જોઈ શકે છે. તેણે કહ્યું, "હું હજારો લોકોની સામે નગ્ન થઈ શકું છું."
રણવીર સિંહની આગામી ફિલ્મો
આ વર્ષે રણવીર `જયેશભાઈ જોરદાર`માં મોટા પડદા પર જોવા મળ્યો હતો. હવે તે પૂજા હેગડે અને જેકલીન ફર્નાન્ડીઝ સાથે `સર્કસ`માં જોવા મળશે. તે રોહિત શેટ્ટી દ્વારા નિર્દેશિત છે અને ક્રિસમસ 2022 પર સ્ક્રીન પર હિટ કરવા માટે તૈયાર છે. બીજી તરફ રણવીર પાસે આલિયા ભટ્ટ સાથે `રોકી ઔર રાની કી પ્રેમ કહાની ` પણ છે. તે કરણ જોહર દ્વારા નિર્દેશિત છે અને તેમાં ધર્મેન્દ્ર, જયા બચ્ચન અને શબાના આઝમી પણ છે.