08 July, 2020 06:00 PM IST | Mumbai | Gujarati Mid-day Online Correspondent
સચિન તિવારી, સુશાંત સિંહ રાજપૂત
અભિનેતા સુશાંત સિંહ રાજપૂતના નિધનથી હજી પણ ફૅન્સ અને બૉલીવુડ શૉકમાં છે. તાજેતરમાં જ અભિનેતાની છેલ્લી ફિલ્મનું ટ્રેલર લૉન્ચ થતા પરિવારજનો, મિત્રો અને ફૅન્સ ફરી ગમગીન થયા છે. એટલું જ નહીં, સુશાંતના અનેક વીડિયો સોશ્યલ મીડિયા પર વાયરલ થયા છે. દરમિયાન સુશાંત સિંહ રાજપૂતના ડયૂપ્લિકેટે સહુના આકર્ષણનું કેન્દ્ર બન્યો છે.
સુશાંત સિંહ રાજપૂત જેવા જ દેખાતા યુવાન સચિન તિવારીની અત્યારે સોશ્યલ મીડિયા પર બહુ ચર્ચા થઈ રહી છે. સચિન તિવારી સેમ ટુ સેમ સુશાંત સિંહ રાજપૂત જેવો જ દેખાય છે. તેનો દેખાવ અને સ્ટાયલ સુશાંતની યાદ અપાવે છે.
અભિનેતાના નિધન બાદ સચિનના ઈન્સ્ટાગ્રામ ફૉલોઅર્સ દસ હજારથી વધી ગયા છે. આ બાબતે સચિને ફેસબુક પર લોકોને આભાર પણ માન્યો છે.
અનેક લોકો સચિનના ફોટો અને વીડિયો જોઈને તેમને સુશાંત સિંહ રાજપૂતનો હમશકલ કહી રહ્યા છે અને તેના લૂકને વખાણી રહ્યા છે. જ્યારે બીજી બાજુ કેટલાક લોકોનું કહેવું છે કે, સુશાંત સિંહ રાજપૂત એક જ હતો અને તેના સ્થાને કોઈ નહીં આવી શકે.
સચિન તિવારી પણ સુશાંત સિંહ રાજપૂતને યાદ કરીને નવા વીડિયો શૅર કરતા રહે છે. જે જોઈને ચોક્કસ અભિનેતાની યાદ આવ્યા વગર નહીં રહે.
જોકે, આવુ પહેલીવાર નથી બન્યું કે, કોઈ સેલેબ્ઝનો ડયૂપ્લિકેટ હોય. બૉલીવુડ સેલેબ્ઝ, ક્રિકેટર અને નેતાઓના પણ ડયૂપ્લિકેટ છે. જે સોશ્યલ મીડિયામાં બહુ એક્ટિવ છે.