05 September, 2012 05:25 AM IST |
મિડ-વીક ચાર્ટ મસાલા - અશોક ત્રિવેદી
મંગળવારે નીચામાં ૫૨૫૮.૬૫ સુધી આવી ઉપરમાં ૫૩૦૪.૮૦ થઈ ૧૬.૪૦ પૉઇન્ટના સુધારે ૫૨૯૯.૪૦ બંધ રહ્યું તેમ જ બીએસઇ ઇન્ડેક્સ સાપ્તાહિક ધોરણે ૩૫૩.૬૫ પૉઇન્ટના નેટ ઘટાડે ૧૭,૪૨૯.૫૬ બંધ રહ્યા બાદ સોમવારે ૪૫.૧૬ રહી નીચામાં ૧૭,૩૮૪.૪૦ બંધ રહ્યો. મંગળવારે ઉપરમાં ૧૭,૪૫૨.૭૦ રહી નીચામાં ૧૭,૩૦૮.૨૭ સુધી આવી ૫૬.૪૭ પૉઇન્ટના સુધારે ૧૭૪૪૦.૮૭ બંધ રહ્યો. ઉપરમાં ૧૭,૫૦૮, ૧૭,૫૪૫ પ્રતિકાર સપાટી ગણાય, જેની ઉપર ૧૭,૬૩૦ સુધીની શક્યતા. નીચામાં ૧૭૩૦૮ નીચે ૧૭,૨૨૫ સુધીની શક્યતા.
વરસાદ લાંબા વિરામ બાદ વરસી રહ્યો છે. એફઆઇઆઇની લેવાલી ખટકતી જણાય છે. બજાર દૈનિક ધોરણે ઓવરસોલ્ડ હોવાથી ઘટવાની ઝડપ ધીમી પડી છે. બજાર હજી નબળું જ જણાય છે. દર વખતની જેમ ફરી જણાવીએ છીએ કે બજારમાં જે પણ મોટા ઉછાળા આવે છે એ મંદી બજારના પ્રત્યાઘાતી ઉછાળા છે. વેચાણો કપાઈ ગયા બાદ ઉછાળે ફૉલો-અપના અભાવે બજાર ઝડપથી ઘટતું હોય છે. રાજકીય ક્ષેત્રે અસ્થિરતા નથી, પરંતુ કૌભાંડોના કારણે વિપક્ષી હોબાળા થકી સંસદ ચાલતી નથી. સરકાર નિર્ણયો લઈ શકતી નથી. વડા પ્રધાન ટીવી પર આવીને રડમસ અવાજે બોલે એમાં કંઈ ભલીવાર નથી. સરવાળે સંજોગો વિપરીત છે. બાબુજી ધીરે... ચલના... જરા... સંભલના... બડે ધોકે હૈ ઇસ રાહ મેં...
આઇડીબીઆઇ બૅન્ક (૮૬.૯૦) ૮૨.૬૦ની બૉટમથી પ્રત્યાઘાતી ઉછાળો દર્શાવે છે. દૈનિક ધોરણે ઓવરબૉટ તરફ, અઠવાડિક ધોરણે ન્યુટ્રલ તરફ તેમ જ મન્થ્લી ધોરણે હાઇલી ઓવરસોલ્ડ પોઝિશન દર્શાવે છે. ઉપરમાં ૮૯.૫૦ ઉપર ૯૧થી ૯૪ની રેન્જ ગણાય. નીચામાં ૮૫ નીચે ૮૩.૫૦ સપોર્ટ ગણાય. ઘટાડે સપોર્ટ મળશે.
સ્ટેટ બૅન્ક (૧૮૭૨.૨૫) ૨૨૫૧.૫૦ની ટૉપથી નરમાઈતરફી છે. દૈનિક ધોરણે ન્યુટ્રલ તરફ, અઠવાડિક તેમ જ મન્થ્લી ધોરણે ઓવરસોલ્ડ પોઝિશન દર્શાવે છે. ઉપરમાં ૧૮૯૦ ઉપર ૧૯૨૦થી ૧૯૩૨ સુધીની શક્યતા. નીચામાં ૧૮૬૦ નીચે ૧૮૪૫ સપોર્ટ ગણાય. ઘટાડે સપોર્ટ મળશે. નીચામાં વેચવું નહીં.
બૅન્ક નિફ્ટી (૧૦,૦૮૮.૦૫) ૧૦,૭૮૮ની ટૉપથી નરમાઈતરફી છે. દૈનિક અને અઠવાડિક ધોરણે ઓવરસોલ્ડ તેમ જ મન્થ્લી ધોરણે ન્યુટ્રલ પોઝિશન દર્શાવે છે. ઉપરમાં ૧૦,૧૮૮ ઉપર ૧૦,૨૦૫, ૧૦,૨૮૦ સુધીની શક્યતા. નીચામાં ૯૯૬૩ તૂટે તો ૯૮૫૫, ૯૭૫૦ સપોર્ટ ગણાય. નવી લેવાલીનો સંકેત નથી. ઓવરસોલ્ડ હોવાથી પૅનિકમાં વેચવું હિતાવહ નથી.