24 May, 2023 02:50 PM IST | Mumbai | Gujarati Mid-day Correspondent
પ્રતીકાત્મક તસવીર (તસવીર સૌજન્ય : આઇસ્ટૉક)
ભારતની જીડીપી ૨૦૨૨માં ૩.૫ ટ્રિલ્યન ડૉલરને વટાવી ગઈ છે અને આગામી થોડાં વર્ષોમાં એ સૌથી ઝડપથી વિકસતું G20 અર્થતંત્ર હશે, પરંતુ સુધારા અને નીતિ અવરોધો રોકાણને અવરોધી શકે છે, એમ મૂડીઝે જણાવ્યું હતું.
એક સંશોધન અહેવાલમાં અમેરિકાસ્થિત રેટિંગ એજન્સીએ જણાવ્યું હતું કે અમલદારશાહી લાઇસન્સ મેળવવા અને વ્યવસાય સ્થાપવા માટે મંજૂરી પ્રક્રિયાઓને ધીમી થઈ શકે છે, જે પ્રોજેક્ટને લંબાવી શકે છે.
મૂડીઝ ઇન્વેસ્ટર્સ સર્વિસે જણાવ્યું હતું કે ‘નિર્ણય લેવામાં ભારતની ઉચ્ચ અમલદારશાહી વિદેશી પ્રત્યક્ષ રોકાણ (એફડીઆઇ) માટેના ગંતવ્ય સ્થાન તરીકેનું આકર્ષણ ઘટાડશે. ખાસ કરીને જ્યારે ઇન્ડોનેશિયા અને વિયેતનામ જેવા ક્ષેત્રનાં અન્ય વિકાસશીલ અર્થતંત્રો સાથે સ્પર્ધા કરતી વખતે ભારતને અસર થશે.
એમાં કહેવામાં આવ્યું છે કે મોટી યુવા અને શિક્ષિત વર્કફોર્સ અને શહેરીકરણ હા ઉસિંગ, સિમેન્ટ અને નવી કારની માગમાં વધારો કરશે. સરકારી ઇન્ફ્રાસ્ટ્રક્ચર ખર્ચ સ્ટીલ અને સિમેન્ટને પ્રોત્સાહન આપશે, જ્યારે ભારતની ચોખ્ખી-શૂન્ય પ્રતિબદ્ધતા રિન્યુએબલ એનર્જીમાં રોકાણને આગળ વધારશે.
જ્યારે સમગ્ર મૅન્યુફૅક્ચરિંગ અને ઇન્ફ્રાસ્ટ્રક્ચર સેક્ટરમાં માગ બાકીના દાયકામાં વાર્ષિક ૩થી ૧૩ ટકા વધશે ત્યારે ભારતની ક્ષમતા હજી પણ ૨૦૩૦ સુધીમાં ચીન કરતાં સારી રીતે પાછળ રહેશે, એમ મૂડીઝે જણાવ્યું હતું.
એમાં કહેવામાં આવ્યું છે કે અર્થતંત્રની મજબૂત સંભાવના હોવા છતાં મર્યાદિત આર્થિક ઉદારીકરણ અથવા ધીમી નીતિ અમલીકરણને કારણે ભારતનાં ઉત્પાદન અને માળખાકીય ક્ષેત્રોમાં રોકાણની ગતિ ધીમી પડી શકે એવું જોખમ છે.