07 February, 2019 06:22 PM IST | મુંબઈ
ફાઇલ ફોટો
નાણામંત્રી, કોર્પોરેટ બાબતોના મંત્રી અને રેલવે તથા કોલસાના મંત્રી પીયૂષ ગોયલ બજેટ પછીનું પહેલું ઇન્ડસ્ટ્રી ઇન્ટરેક્શન અને પ્રેસ કોન્ફરન્સ કરશે. આ પ્રસંગે મહારાષ્ટ્રના મુખ્યમંત્રી દેવેન્દ્ર ફડણવીસ અને બોમ્બે સ્ટોક એક્સચેન્જ (BSE)ના એમડી અને સીઈઓ આશિષકુમાર ચૌહાણ પણ હાજર રહેશે. મુંબઈના બીએસઈ ઇન્ટરનેશનલ કન્વેન્શન સેન્ટર ખાતે આ ઇવેન્ટ યોજાશે. 8 ફેબ્રુઆરીના રોજ સાંજે 6.30 વાગે પીયૂષ ગોયલ આ ઇન્ટરેક્શન કરશે. આ માટે મીડિયાના લોકોને પણ બોલાવવામાં આવ્યા છે, જેમનો મીડિયા રિપોર્ટિંગ ટાઇમ 5.30 વાગ્યાનો રહેશે.
ઉલ્લેખનીય છે કે પીયૂષ ગોયલે 1 ફેબ્રુઆરીના રોજ મોદી સરકારનું છેલ્લું વચગાળાનું બજેટ રજૂ કર્યું હતું. આ બજેટને ખૂબ હકારાત્મક પ્રતિસાદ મળ્યો હતો અને મધ્યમવર્ગના લોકોએ આ બજેટને વધાવી લીધું હતું. આવતીકાલના ઇન્ટરેક્શનમાં પીયૂષ ગોયલ બજેટની અસરો અને તેની પ્રતિક્રિયાઓ અંગે ચર્ચા કરી શકે છે.