25 July, 2019 10:15 AM IST | નવી દિલ્હી
જીએસટી
ગુડ્સ એન્ડ સર્વિસ ટૅક્સ કાઉન્સિલની ૩૬મી બેઠક ૨૫ જુલાઈએ થશે. આ બેઠકને નાણાપ્રધાન નિર્મલા સીતારમણ વિડિયો કૉન્ફરન્સથી સંબોધિત કરશે. આ બેઠકમાં બૅટરીથી ચાલતી કાર અને સ્કૂટરમાં જીએસટીના દરમાં ઘટાડો કરવામાં આવી શકે છે. આ નિર્ણયથી આ બધી વસ્તુ સસ્તી થઈ શકે છે. આ પ્રસ્તાવ ગત જીએસટી બેઠકમાં પણ આવ્યો હતો, પરંતુ તે સમયે કેટલાક સભ્યોએ કહ્યું કે, જે ઈલેક્ટ્રિક વ્હીકલ છે અને જે ચાર્જર છે તેની કિંમતમાં અંતર છે. તેથી આ પૂરા પ્રસ્તાવને એક વાર ફરી ફિટમેન્ટ કમિટીમાં મોકલવો જોઈએ.
આ પણ વાંચો : મૉબ લિન્ચિંગઃ ફિલ્મજગતની 49 જેટલી હસ્તીઓએ વડા પ્રધાન મોદીને પત્ર લખ્યો
ઉલ્લેખનીય છે કે, ઈ-વાહનોના ઘરેલુ સ્તર પર મેન્યુફેક્ચરિંગને પ્રોત્સાહન આપવા માટે કેન્દ્રએ જીએસટી દરને ૧૨ ટકાથી ઘટાડી પાંચ ટકા કરવાની ભલામણ કરી છે. જો આવું થશે તો દેશમાં ઈલેક્ટ્રિક વાહનોના ભાવમાં ઘટાડો આવશે.