ફુટબૉલ વર્લ્ડ કપમાં પહેલી વખત મોઢું ઢાંકીને હરીફ સાથે વાત કરવા બદલ મળ્યું રેડ કાર્ડ

ગઈ કાલે ફુટબૉલ વર્લ્ડ કપમાં રોમાંચક ઘટના જોવા મળી હતી. પૅરાગ્વે સામે ૦-૧થી હારીને ટર્કીની ટીમ ટુર્નામેન્ટમાંથી બહાર થઈ ગઈ હતી. ૧૯૫૪ અને ૨૦૦૨ બાદ ત્રીજી વખત વર્લ્ડ કપ રમનાર આ વખતે સતત બે મૅચ હારીને ટર્કી બહાર થયું છે. 

પૅરાગ્વેના મિડફીલ્ડર માટિયઝ ગલાર્ઝાએ ગ્રુપ Dની આ મૅચમાં આ વર્લ્ડ કપનો હમણાં સુધીનો ફાસ્ટેસ્ટ ૬૪ સેકન્ડનો ગોલ ફટકાર્યો હતો. તેણે મૅચની પહેલી કિક લાગી એની ૬૪મી સેકન્ડે જ ગોલ કરી દીધો હતો. 

પહેલા હાફના સ્ટૉપેજ ટાઇમમાં હરીફ પ્લેયર સાથે મોઢું ઢાંકીને વાત કરવા બદલ રેડ કાર્ડ મેળવનાર પૅરાગ્વેનો મિડફીલ્ડર મિગેલ અલ્મિરૉન પહેલો ખેલાડી બન્યો હતો. મૅચના અંતે બન્ને ટીમના સભ્યો વચ્ચે ઝપાઝપી પણ થઈ હતી. 

અન્ય મૅચનાં રિઝલ્ટ શું આવ્યાં?

મોરોક્કોના ઇસ્માઇલ સાઇબારીએ મૅચની ૭૧મી સેકન્ડે ગોલ કરીને સ્કૉટલૅન્ડ સામે ૧-૦ની જીત સુનિશ્ચિત કરી હતી. બ્રાઝિલે ૩-૦થી હૈતી સામે જીત નોંધાવી હતી. ૧૯૭૪ની ટુર્નામેન્ટમાં ભાગ લીધા બાદ હૈતી બાવન વર્ષ બાદ વર્લ્ડ કપ રમી રહ્યું હતું. મેક્સિકો બાદ યજમાન અમેરિકા પણ રાઉન્ડર ઑફ 32માં પહોંચ્યું છે. ઑસ્ટ્રેલિયા સામે અમેરિકાએ ૨-૦થી જીત મેળવી હતી.