સેરેના વિલિયમ્સ ૪૪ વર્ષની ઉંમરે વિમ્બલ્ડન સિંગલ્સમાં વાપસી કરશે

બ્રેક પછી આ મહિનાની શરૂઆતમાં ટેનિસ કોર્ટ પર પાછા ફર્યા બાદ તેણે બે અલગ પાર્ટનર્સ સાથે બે ડબલ્સ મૅચ રમી

સેરેના વિલિયમ્સ

૨૩ વખતની ગ્રૅન્ડ સ્લૅમ ચૅમ્પિયન સેરેના વિલિયમ્સ ઇંગ્લૅન્ડમાં આવતા અઠવાડિયાથી આયોજિત વિમ્બલ્ડનમાં સિંગલ્સમાં વાપસી કરશે. ૪૪ વર્ષની ઉંમરે સેરેનાએ વાઇલ્ડ કાર્ડ એન્ટ્રી સ્વીકારી અને તેને મહિલા ખેલાડીઓના મુખ્ય ડ્રૉમાં અંતિમ સ્થાન આપવામાં આવ્યું.

અમેરિકાની ટેનિસ સ્ટાર સેરેના વિલિયમ્સ અગાઉ આ ગ્રૅન્ડ સ્લૅમ ટુર્નામેન્ટની વિમેન્સ ડબલ્સમાં બહેન વીનસ વિલિયમ્સ સાથે રમવા માટે વાઇલ્ડ કાર્ડ સ્વીકારી ચૂકી છે. ચાર વર્ષના બ્રેક પછી આ મહિનાની શરૂઆતમાં ટેનિસ કોર્ટ પર પાછા ફર્યા બાદ તેણે બે અલગ પાર્ટનર્સ સાથે બે ડબલ્સ મૅચ રમી હતી જેમાં એક હાર અને એક જીત મળી.