03 October, 2026 02:53 PM IST | New Delhi | Gujarati Mid-day Correspondent
લવલીના બોર્ગોહેન
ગઈ કાલે એશિયન ગેમ્સ 2026માં આસામની મહિલા બૉક્સર લવલીના બોર્ગોહેને ૭૫ કિલો કૅટેગરીમાં ગોલ્ડ મેડલ જીત્યો હતો. અગાઉ ૨૦૧૪માં મણિપુરની મૅરી કૉમ એશિયન ગેમ્સમાં ગોલ્ડ જીતનાર એકમાત્ર ભારતીય મહિલા બૉક્સર હતી.
ફાઇનલ મૅચમાં લવલીનાએ ચીનની હરીફને ૫-૦થી હરાવીને અગાઉની આવૃત્તિમાં જીતેલા સિલ્વર મેડલને ગોલ્ડમાં બદલી નાખ્યો. ગોલ્ડ જીતીને લવલીનાએ પોતાની ૨૯મી વર્ષગાંઠ યાદગાર બનાવી હતી. આ વર્ષે કૉમનવેલ્થ ગેમ્સમાં લવલીનાએ સિલ્વર મેડલ જીત્યો હતો.
ગઈ કાલે લવલીના સિવાય ભારતની પરવીન હૂડાએ મહિલાઓની ૬૫ કિલો અને અંકુશ પંઘાલે ૮૦ કિલો કૅટેગરીની ફાઇનલમાં જીત નોંધાવીને ગોલ્ડ મેડલ જીત્યો હતો. ૨૬ વર્ષની પરવીન હૂડાનો આ પહેલો એશિયન ગેમ્સ મેડલ હતો. કૉમનવેલ્થ ગેમ્સ 2026માં પણ ગોલ્ડ જીતનાર ૨૧ વર્ષનો અંકુશ પંઘાલ બૉક્સર અમિત પંઘાલ (૨૦૧૮) પછી એશિયન ગેમ્સમાં ગોલ્ડ મેડલ જીતનાર પ્રથમ ભારતીય પુરુષ બોક્સર બન્યો છે.
