લક્ષ્ય સેનની ફરી વહેલી વિદાય

ભારતનો સ્ટાર બૅડ્‍મિન્ટન ખેલાડી લક્ષ્ય સેન નબળા ફૉર્મમાંથી બહાર આવી શક્યો નથી. ચાઇના માસ્ટર્સમાં તે કૅનેડાના વિક્ટર લાય સામે સીધા સેટમાં હારીને પહેલા જ રાઉન્ડમાં બહાર થયો હતો. વિક્ટર સામે તેની આ સતત ત્રીજી હાર છે.

લક્ષ્ય સેન

૨૦૨૧માં વર્લ્ડ ચૅમ્પિયનશિપમાં બ્રૉન્ઝ મેડલ જીતનાર ભારતના સ્ટાર બૅડ્‍મિન્ટન ખેલાડી લક્ષ્ય સેનનું આ વર્ષમાં નબળું ફૉર્મ જળવાઈ રહ્યું છે અને ફરી એક વાર તે ટુર્નામેન્ટમાંથી જલદી આઉટ થઈ ગયો છે. ગઈ કાલે ચાઇના માસ્ટર્સ ટુર્નામેન્ટમાં તે પહેલા જ રાઉન્ડમાં કૅનેડાના ખેલાડી વિક્ટર લાય સામે ૧૪-૨૧, ૭-૨૧ એમ સીધા સેટમાં હારીને બહાર થઈ ગયો હતો. વિક્ટર સામે એ સતત ત્રીજી મૅચમાં હારી ગયો હતો. 
લક્ષ્ય સેન આ પહેલાં જપાન ઓપનમાં પણ પ્રથમ રાઉન્ડમાં બહાર થઈ ગયો હતો અને થોડા દિવસ પહેલાં ઘરઆંગણે વર્લ્ડ ચૅમ્પિયનશિપમાં અને એ પહેલાં ઇન્ડોનેશિયા ઓપનમાં પણ રાઉન્ડ ઑફ ૩૨માં હારીને બહાર થઈ ગયો હતો. 
જોકે ભારતનો અન્ય ખેલાડી કિદામ્બી શ્રીકાંત પ્રથમ રાઉન્ડમાં વિજય મેળવીને બીજા રાઉન્ડમાં પહોંચી ગયો હતો.