હૉકી મેન્સ વર્લ્ડ કપ માટે હરમનપ્રીત સિંહની આગેવાનીમાં ૨૦ સભ્યોની સ્ક્વૉડ જાહેર થઈ

ભારતીય ટીમ ગ્રુપ Dમાં ઇંગ્લૅન્ડ, પાકિસ્તાન અને વેલ્સ સાથે સામેલ છે

ડિફેન્ડર અને રેગ્યુલર કૅપ્ટન હરમનપ્રીત સિંહ

હૉકી ઇન્ડિયાએ સોમવારે ૧૫થી ૩૦ ઑગસ્ટ દરમ્યાન બેલ્જિયમ અને નેધરલૅન્ડ્સમાં યોજાનાર હૉકી મેન્સ વર્લ્ડ કપ માટે ૨૦ સભ્યોની ભારતીય મેન્સ ટીમની જાહેરાત કરી હતી. ટીમનું નેતૃત્વ ડિફેન્ડર અને રેગ્યુલર કૅપ્ટન હરમનપ્રીત સિંહ કરશે.

ભારતીય ટીમ ગ્રુપ Dમાં ઇંગ્લૅન્ડ, પાકિસ્તાન અને વેલ્સ સાથે સામેલ છે. ભારત માત્ર ૧૯૭૫ના વર્લ્ડ કપમાં ચૅમ્પિયન બન્યું હતું. ભારતીય કૅપ્ટન હરમનપ્રીત સિંહ કહે છે, ‘અમે વર્લ્ડ કપ ફરી ઘરે લાવવા ઇચ્છીએ છીએ. આ વખતે આ કમાલ કરવા માટે અમારી પાસે શાનદાર તક છે.’