સારા પર્ફોર્મન્સ છતાં કેરલાએ સૅમસનને કૅપ્ટનપદેથી હટાવતા શશી થરૂર ભડક્યા

સારા પર્ફોર્મન્સ છતાં કેરલાએ સૅમસનને કૅપ્ટનપદેથી હટાવતા શશી થરૂર ભડક્યા

સંજુ સૅમસન

ઇન્ડિયન પ્રીમિયર લીગમાં શાનદાર પ્રદર્શન કર્યા બાદ રાજસ્થાન રૉયલ્સની કપ્તાની મેળવનાર વિકેટકીપર સંજુ સૅમસન પાસેથી વિજય હઝારે ટુર્નામેન્ટમાં કેરલાની ટીમની કપ્તાની લઈને સચિન બેબીને સોંપવામાં આવી, જેને લીધે કૉન્ગ્રેસના સિનિયર લીડર અને તિરુવનંતપુરમની લોકસભાના સાંસદ શશી થરૂર ગુસ્સે ભરાયા હતા. ટ્વીટ કરતાં કહ્યું કે ‘સૈયદ મુશ્તાક અલી ટ્રોફીમાં સારું પ્રદર્શન કર્યા છતાં સંજુ સૅમસનને કપ્તાનપદેથી હટાવાતાં મને નવાઈ લાગી છે. ટીમના બે શાનદાર બોલર્સ આસિફ અને બિસીલ થમ્પીને ટીમમાં જગ્યા નથી મ‍ળી. રોહન પ્રેમ જેવો ખેલાડી પણ ટીમમાં સામેલ નથી. આવો નિર્ણય ખરેખર વિનાશકારી છે.’