19 July, 2025 03:13 PM IST | Amaravati | Gujarati Mid-day Correspondent
મહિલાને થાંભલા સાથે બાંધીને નિર્દયતાથી માર મારવામાં આવ્યો
આંધ્ર પ્રદેશના વેસ્ટ ગોદાવરી જિલ્લામાં એક મહિલાને થાંભલા સાથે બાંધીને નિર્દયતાથી માર મારવામાં આવ્યો હતો. આ અપરિણીત મહિલા સાથે તેના સહકાર્યકર ડોંગા સુબ્બારાવને અફેર હોવાનો આરોપ મૂકવામાં આવ્યો હતો. બુધવારે સુબ્બારાવની પત્નીએ તેના પરિવાર સાથે મળીને આ મહિલાને તેના ઘરમાંથી ખેંચી કાઢીને ગામની વચ્ચે એક થાંભલા સાથે બાંધી દીધી હતી અને જાહેરમાં તેની મારઝૂડ કરી હતી. મહિલાએ મદદ માટે બૂમો પાડવા છતાં પોલીસ આવી ત્યાં સુધી આ હુમલો ચાલુ રહ્યો હતો. પોલીસે મહિલાને બચાવીને તેને સરકારી હૉસ્પિટલમાં દાખલ કરી હતી. હુમલામાં સામેલ ઘણી મહિલાઓની અટકાયત કરવામાં આવી છે.