આ મહિલાએ અડધો પલંગ ભાડે કાઢ્યો

હવે આ પોસ્ટ ડિલીટ થઈ ગઈ છે

પલંગ ભાડે કાઢ્યો છે તેની જાહેરાત

ટૉરોન્ટોમાં આકાશ આંબતા ઘરના ભાડા વચ્ચે એક મહિલાએ ખૂબ અસામાન્ય ભાડા-કરારની ઑફર કરતાં ઇન્ટરનેટ પર કુતૂહલ ફેલાયું છે. ગયા મહિને ટૉરોન્ટોની અન્યા ઍટિંગરની એક ફેસબુક-પોસ્ટ પ્રકાશમાં આવી હતી, જેમાં તેણે પોતાનો અડધો બેડ ૯૦૦ કૅનેડિયન ડૉલર (૫૪,૭૯૦ રૂપિયા)માં ભાડે કાઢ્યો હતો. હવે આ પોસ્ટ ડિલીટ થઈ ગઈ છે. એમાં ઉલ્લેખ હતો કે ‘એક ક્વીન સાઇઝ બેડ સાથે માસ્ટર બેડરૂમ શૅર કરવા એક સરળ મહિલા-સાથી શોધી રહી છું. પહેલાં પણ મેં બેડરૂમ અને ક્વીન સાઇઝ બેડ એક રૂમમેટ સાથે શૅર કર્યો છે જે ફેસબુક પર મળી હતી.’

‘શૅર્ડ બેડરૂમ ઇન લેક ફેસિંગ ડાઉનટાઉન કોન્ડો’ ​મથાળા હેઠળ પોસ્ટ કરાયેલો વિડિયો ચોક્કસ ખૂબ જ કમર્શિયલ રીતે તૈયાર કરાયો છે, જેમાં આકર્ષક બૅકગ્રાઉન્ડમાં ફોટો સાથેની તમામ વિગતો જોઈ શકાય છે, તેમ જ મહિલા પોતે જ આ ઍડમાં વધુ વિગતો સાથે બેડ શૅર કરવા રેન્ટ પર આપવાની વાત ખૂબ કન્વિન્સિંગ રીતે કરી રહી છે.