01 August, 2021 11:07 AM IST | Karachi | Gujarati Mid-day Correspondent
ચૉકલેટ બિરયાની
બિરયાની સાથે ફૂડી લોકોની લાગણી જોડાયેલી છે, કાંઈક આવી જ લાગણી ચૉકલેટ સાથે પણ જોડાયેલી છે. કોઈની પણ અત્યંત પસંદની વાનગીની યાદીમાં બિરયાની અને ચૉકલેટ પ્રથમ જ હોય એમાં બેમત નથી, પણ શું થાય જો બિરયાનીમાં ચૉકલેટનું ગાર્નિશિંગ કરાય.
પાકિસ્તાનના કરાચીનો એક વિડિયો વાઇરલ થયો છે, જેમાં ચૉકલેટથી ગાર્નિશ કરેલી બિરયાની એક વ્યક્તિ ખૂબ હોશથી ખાઈ રહ્યો છે.
આ વિડિયોને અત્યાર સુધી ૨૭,૦૦૦ વ્યુઝ મળ્યા છે. આ આંકડો સતત વધી રહ્યો છે. અનેક લોકોએ વિડિયો જોયા બાદ પોતાનો અભિપ્રાય વ્યક્ત કર્યો છે કે વિડિયોમાં દેખાતી વ્યક્તિ પોતાને ગમતી ન હોવા છતાં ચૉકલેટથી ગાર્નિશ કરેલી બિરયાનીને વખાણી રહ્યો છે. કેટલાકે આ વાનગીથી ત્રસ્ત થઈને લખ્યું છે કે હવે એ દિવસો દૂર નથી જ્યારે કોઈ વૅનિલા પુલાવ બનાવીને સોશ્યલ મીડિયા પર મૂકે.