09 February, 2026 10:35 AM IST | North Korea | Gujarati Mid-day Correspondent
પ્રતીકાત્મક તસવીર
નૉર્થ કોરિયાના તાનાશાહ કિમ જૉન્ગ ઉનના ખતરનાક નિયમોનું પાલન ન કરવામાં આવે તો એની સજામાંથી કોઈ બચી શકતું નથી. બાળકો અને ટીનેજર્સ પણ નહીં. તાજેતરમાં ત્રણ ટીનેજર્સને ફાંસીની સજા આપવામાં આવી કેમ કે તેમનો ગુનો હતો કે તેમણે ચોરીછૂપીથી કોરિયન પૉપ્યુલર થ્રિલર સિરીઝ ‘સ્ક્વિડ ગેમ’ જોઈ હતી. આ વેબ-સિરીઝ દુનિયાભરમાં ખૂબ પ્રખ્યાત થઈ છે, પરંતુ નૉર્થ કોરિયામાં એ જોવા પર પ્રતિબંધ છે. ત્રણ ટીનેજર્સે એ વેબ-સિરીઝ છુપાઈને જોઈ હતી અને ફેમસ કે-પૉપનું મ્યુઝિક પણ તેઓ સાંભળતા હતા. કોરિયન ડ્રામા અને મ્યુઝિકના શોખીન સ્કૂલ જતા સ્ટુડન્ટ્સને તાનાશાહે મોતને ઘાટ ઉતારી દીધા હતા. આ મોતનું તાંડવ તેમણે જાહેરમાં કર્યું હતું જેથી ફરીથી કોઈ આવી ભૂલ કરવાની હિંમત ન કરે.
