26 June, 2026 11:42 AM IST | Bengaluru | Gujarati Mid-day Correspondent
બેની પ્રસાદ જાણીતા મ્યુઝિશ્યન અને ટ્રાવેલર છે
સામાન્ય રીતે લોકો પોતાનો પાસપોર્ટ વર્ષો સુધી સાચવીને રાખતા હોય છે. ઘણા લોકોના પાસપોર્ટમાં તો ગણતરીના જ વીઝા અને થોડાક જ સિક્કા મારેલા હોય છે. જોકે એક માણસ એવો પણ છે જેની ફરવાની ઘેલછાએ પાસપોર્ટનાં પાનાંઓની ગણતરી જ ખતમ કરી નાખી. સોશ્યલ મીડિયા પર આજકાલ એક વિડિયો ખૂબ જોવામાં આવી રહ્યો છે જેમાં તે માણસ પોતાનો જૂનો પાસપોર્ટ બતાવી રહ્યો છે. નવાઈની વાત એ છે કે તેની એક-બે નહીં, આખેઆખી ૧૬ પાસપોર્ટ બુક વીઝા અને ઇમિગ્રેશન સ્ટૅમ્પથી ભરાઈ ગઈ છે. કહેવાય છે કે તેણે માત્ર ૬ વર્ષ ૬ મહિના બાવીસ દિવસમાં સમગ્ર વિશ્વની યાત્રા પૂરી કરી લીધી હતી. બેની પ્રસાદ જાણીતા મ્યુઝિશ્યન અને ટ્રાવેલર છે. આમ તો સોશ્યલ મીડિયા પર ફરવા-હરવાને લગતા વાઇરલ વિડિયો જોઈને લોકો ત્યાં જવાનું પ્લાનિંગ કરતા હોય છે, પણ આ ટ્રાવેલરને જોઈને લોકોને આ રીતે પાસપોર્ટ બુક ભરાઈ જાય એટલું ફરવાની ઇચ્છા થઈ રહી છે.
