30 September, 2025 12:22 PM IST | Beijing | Gujarati Mid-day Correspondent
તસવીર સૌજન્યઃ સોશ્યલ મીડિયા
ચીનમાં એક જૂની ઘટના અત્યારે ફરી ચર્ચામાં આવી છે. વાત એમ છે કે ડ્રન્કન ડ્રાઇવિંગ ચીનમાં ક્રિમિનલ ગુનો ગણાય છે. જો તમે ડ્રાઇવિંગ-સીટ પર બેઠા હો અને મોંમાં ૮૦ મિલીગ્રામ જેટલા આલ્કોહૉલનું પ્રમાણ જણાય તો પણ ગુનો બહુ ગંભીર બને છે. આ જ કારણોસર જૂન મહિનામાં ત્રણ ભાઈબંધોએ એક પબમાંથી નીકળીને ડ્રાઇવ કરવાને બદલે કારને પુશ કરવાનું નક્કી કર્યું. એક દોસ્તે આગળનો દરવાજો ખોલીને સીટ પર બેઠા વિના જ સ્ટીઅરિંગ પકડી રાખ્યું હતું, જ્યારે બીજા બે દોસ્તો પાછળથી ધક્કો મારી રહ્યા હતા. તેમણે આ જ કન્ડિશનમાં ઘર સુધી ગાડીને પુશ કરવાને બદલે નજીકમાં આવેલા ઓળખીતા ગૅરેજવાળાને ત્યાં કાર મૂકવાનું નક્કી કરેલું. જોકે એ દરમ્યાન પણ રસ્તા પર કારને પુશ કરવાને કારણે બીજા લોકોને હેરાનગતિ થઈ હતી. જૂન મહિનામાં બનેલી આ ઘટના માટે ચાઇનીઝ ટ્રાફિક-પોલીસે તેમને હવે પેનલ્ટી મોકલી છે. પોલીસનું કહેવું છે કે જેમ દારૂ પીને ડ્રાઇવ કરવું એ ગુનો છે એવી જ રીતે કારણ વિના કારને પુશ કરીને રસ્તે જતા બીજા લોકોને અગવડ કરવી એ પણ ગેરકાનૂની જ છે.
