08 September, 2025 02:15 PM IST | Haryana | Gujarati Mid-day Correspondent
નવીનક્કોર ગાડીઓ તરવા માંડી
હરિયાણાના ઝાઝર જિલ્લાના બહાદુરગઢમાં મારુતિના સ્ટૉક-યાર્ડમાં એટલુંબધું પાણી ભરાઈ ગયું હતું કે સેંકડો ગાડીઓ પાણીમાં તરતી હતી.
ગઈ કાલે પિતૃપક્ષનો પહેલો દિવસ હતો, પરંતુ નર્મદા નદીનાં પાણી ચોમેર ફરી વળ્યાં હોવાથી જબલપુરમાં લોકોએ પિતૃપક્ષની વિધિ કરવા માટે ગળા સુધી આવી ગયેલા પાણીમાં ચાલીને મંદિરમાં પૂજા કરી હતી.
નવી દિલ્હીના BJP હેડક્વૉર્ટર્સમાં ‘નમો યુવા રન - ફૉર નશામુક્ત ભારત’ અભિયાનના લૉન્ચ પ્રસંગે ભારતીય જનતા યુવા મોરચાના પ્રેસિડન્ટ તેજસ્વી સૂર્યા તથા બૉલીવુડ ઍક્ટર અને ફિટનેસપ્રેમી મિલિંદ સોમણ વચ્ચે પુશ-અપ્સની સ્પર્ધા યોજાઈ હતી.
જપાનના તોકુશિમામાં એક અનોખો ગેટ બનાવવામાં આવ્યો છે. આ ગેટને તોરી ગેટ કહેવાય છે જે જાત-જાતનાં સ્પીકરોને ગોઠવીને બન્યો છે. આ સ્પીકરને બ્લુટૂથથી કનેક્ટ કરીને ચલાવી પણ શકાય છે.
તાનિયા ચૅટરજી નામની એક ફોટોગ્રાફરે થોડા દિવસ પહેલાં બાલીનો એક વિડિયો શૅર કર્યો છે. બાલીના ઇતિહાસ, સંસ્કૃતિ અને પરંપરાઓને ઉજાગર કરતા તેના બ્લૉગમાં એક વયસ્ક નૃત્યાંગનાનો પણ સમાવેશ થાય છે. આ નૃત્યાંગના છે ૧૦૬ વર્ષનાં. નામ છે નિયાંગ સોલી. બાલીમાં રહેતાં આ દાદી આ ઉંમરે પણ જે લચક અને લાવણ્ય સાથે ટ્રેડિશનલ ડાન્સ કરે છે એ જોઈને મંત્રમુગ્ધ થઈ જવાય એવું છે.
