આને કહેવાય ચમત્કાર

બે બસની વચ્ચે રિક્ષા સૅન્ડવિચ થઈ ગઈ, છતાં રિક્ષામાં બેઠેલા ચારેય જણ બચી ગયા

પ્રતીકાત્મક તસવીર

કર્ણાટકના ચિત્રદુર્ગમાં રૂંવાડાં ખડાં કરી દે એવો એક ભયાનક અકસ્માત થયો હતો. ટ્રાફિકથી ભરેલા રસ્તા પર એક બસ ધીમે-ધીમે ચાલી રહી હતી અને રિક્ષા પણ એની પાછળ જ હતી. જોકે રિક્ષાની પાછળ એક પ્રાઇવેટ બસ આવી રહી હતી. એની સ્પીડ બેકાબૂ હોવાથી એ પહેલાં રિક્ષા સાથે ટકરાઈ અને એને કારણે રિક્ષા ઘસડાઈને આગળ-પાછળની બસોની વચ્ચે લિટરલી પિચકાઈ ગઈ. રિક્ષાનો આગળનો ભાગ તો આગળની બસ નીચે ઘૂસીને સાવ કચુંબર થઈ ગયો હતો. આ ઘટનાનો વિડિયો જોઈને લાગે કે રિક્ષામાં બેઠેલું કોઈ જ બચ્યું નહીં હોય. જોકે નવાઈની અને રાહતની વાત એ હતી કે ઘાતક ટક્કર પછી પણ રિક્ષામાં બેઠેલા ચારેણ જણ ગંભીર રીતે ઘાયલ થયા હોવા છતાં તેમનો જીવ બચી ગયો છે. આ કોઈ ચમત્કારથી કમ વાત નથી.

આસપાસની પબ્લિકે તરત જ સાવધાની દાખવીને રિક્ષામાં સવાર લોકોને કાઢીને હૉસ્પિટલમાં ભરતી કર્યા હતા અને ટ્રાફિક પોલીસે ઘટનાની તપાસ શરૂ કરી દીધી છે.