વધુ ૪૭૪ પૉલિટિકલ પાર્ટીઓનું રજિસ્ટ્રેશન ઇલેક્શન કમિશને રદ કર્યું

ઉપરાંત ૩૫૯ અન્ય પાર્ટીઓ પણ ચૂંટણીપંચના રડાર પર છે

ચૂંટણીપંચ ઓફિસની તસવીર

તાજેતરમાં ચૂંટણીપંચે ગેરમાન્ય રજિસ્ટર્ડ પાર્ટીઓ સામે મોટી ઍક્શન લીધી છે. ચૂંટણીપંચે વધુ ૪૭૪ પૉલિટિકલ પાર્ટીઓનું રજિસ્ટ્રેશન રદ કરી દીધું છે. આ પહેલાં ઑગસ્ટ મહિનામાં પણ ૩૩૪ પાર્ટીઓનું રજિસ્ટ્રેશન રદ કરવામાં આવ્યું હતું.

જનપ્રતિનિધિત્વ અધિનિયમ ૧૯૫૧ મુજબ કોઈ પણ રજિસ્ટર્ડ પાર્ટીએ ચૂંટણીની પ્રક્રિયામાં ભાગ લેવાનો હોય છે. જો લગાતાર ૬ વર્ષ સુધી પાર્ટી ચૂંટણીથી દૂરથી રહે તો એનું રજિસ્ટ્રેશન સમાપ્ત થઈ જાય છે. આ નિયમ અંતર્ગત ચૂંટણીપંચે ઑગસ્ટ મહિનાથી લઈને અત્યાર સુધીમાં કુલ ૮૦૮ પાર્ટીઓનું રજિસ્ટ્રેશન સમાપ્ત કરી દીધું છે.

આ ઉપરાંત ૩૫૯ અન્ય પાર્ટીઓ પણ ચૂંટણીપંચના રડાર પર છે જેમણે છેલ્લાં ૬ વર્ષમાં ચૂંટણી તો લડી છે, પરંતુ છેલ્લાં ત્રણ વર્ષનું ફાઇનૅન્શિયલ ઑડિટ જાહેર નથી કર્યું.