Go First Airwaysને DGCAએ મોકલી નોટિસ, 50 યાત્રીઓને છોડી ટૅકઓફ થઈ હતી ફ્લાઈટ

ઘણા મુસાફરોએ ટ્વિટર પર આ મામલે ફરિયાદ કરી હતી. ગો ફર્સ્ટ એરલાઇને પણ આ મામલે ખેદ વ્યક્ત કર્યો છે.

પ્રતીકાત્મક તસવીર

છેલ્લા કેટલાક સમયથી એરલાઈન્સ સંબંધિત આશ્ચર્ય પમાડે તેવી ઘટનાઓ પ્રકાશમાં આવી રહી છે. પહેલા એર ઈન્ડિયા(Air India) પછી ઈન્ડિગો(Indigo)અને હવે ગો ફર્સ્ટ (Go First)નો કિસ્સો સામે આવ્યો છે. DGCA એ ગો ફર્સ્ટ એરવેઝને 50 મુસાફરોને એરપોર્ટના બસમાં જ  છોડવા બદલ નોટિસ પાઠવી છે. રેગ્યુલેટરે એરલાઈનને સમગ્ર મામલામાં રિપોર્ટ સબમિટ કરવા કહ્યું છે. ડીજીસીએ તરફથી કહેવામાં આવ્યું છે કે આ મામલાને તેની તરફથી જોવામાં આવી રહ્યો છે. જણાવી દઈએ કે ઘણા મુસાફરોએ ટ્વિટર પર આ મામલે ફરિયાદ કરી હતી. ગો ફર્સ્ટ એરલાઇન, નાગરિક ઉડ્ડયન મંત્રી જ્યોતિરાદિત્ય સિંધિયા અને વડા પ્રધાન નરેન્દ્ર મોદીના કાર્યાલયને ટેગ કરીને ટ્વિટર પર કરવામાં આવેલી ફરિયાદો અનુસાર, બેંગલુરુથી દિલ્હીની ફ્લાઈટ G8 116 એ  50 થી વધુ મુસાફરોને છોડીને  ટેકઓફ કર્યું હતું.

અહીં, GoFirst Airways એ ત્રણ ટ્વિટનો જવાબ આપ્યો, વપરાશકર્તાઓને તેમની મુસાફરીની વિગતો શેર કરવા વિનંતી કરી અને કહ્યું: "અમને આ અસુવિધા બદલ ખેદ છે." આ ઘટના બાદ મુસાફરોને ફ્લાઇટમાં બેસાડવામાં આવ્યા હતા જે ચાર કલાક બાદ સવારે 10 વાગ્યાની આસપાસ ગંતવ્ય સ્થાન માટે રવાના થઈ હતી. ડીજીસીએના એક અધિકારીને ટાંકીને રિપોર્ટમાં કહેવામાં આવ્યું છે કે અમે એરલાઈન પાસેથી રિપોર્ટ માંગ્યો છે અને યોગ્ય કાર્યવાહી કરવામાં આવશે.

આ પણ વાંચો: Watch Video: ફ્લાઈટમાં હોબાળાની વધુ એક ઘટના, કપડાં ઉતારી સહયાત્રીને મુક્કા મારવા લાગ્યો શખ્સ

ફ્લાઇટ ગુમ થયા બાદ મુસાફરોએ સોશિયલ મીડિયા પર પોતાનો ગુસ્સો ઠાલવ્યો હતો. એક મુસાફર શ્રેયા સિંહાએ ટ્વીટ કર્યું કે આ સૌથી ખરાબ અનુભવ છે. તેમણે કહ્યું કે મુસાફરો સવારે 5.35 વાગ્યે ફ્લાઇટ માટે બસમાં ચઢ્યા હતા પરંતુ એક કલાક સુધી તેમાં જ રહ્યા હતા.

શ્રેયા સિંહે ટ્વીટ કર્યું, "GoFirst Airways સાથેનો સૌથી ખરાબ અનુભવ હતો. સવારે 5:35 વાગ્યે ફ્લાઇટ માટે બસમાં ચઢી. સવારના 6:30 વાગ્યા છે, હજુ પણ બસમાં 50 થી વધુ મુસાફરો છે. ફ્લાઇટ G8." 116 એ 50+ મુસાફરોને બોર્ડમાં મૂકીને ઉડાન ભરી  છે જે આત્યંતિક બેદરકારી છે."