બિહારમાં ૩ આતંકવાદીઓ ઘૂસ્યા : સમગ્ર રાજ્ય અલર્ટ પર

બિહારના પોલીસ હેડક્વૉર્ટર દ્વારા આ ત્રણેય આતંકવાદીઓનાં નામ અને તસવીરો જાહેર કરવામાં આવ્યાં છે.

બિહારમાં ૩ આતંકવાદીઓ ઘૂસ્યા

બિહારમાં પાકિસ્તાનના આતંકવાદી સંગઠન જૈશ-એ-મોહમ્મદના ૩ કુખ્યાત આતંકવાદીઓએ ઘૂસણખોરી કરી હોવાના અહેવાલો સામે આવ્યા છે. આ આતંકવાદીઓ નેપાલના માર્ગે બિહારમાં ઘૂસી આવ્યા હોવાના ખબર છે. બિહારમાં વિધાનસભાની ચૂંટણી નજીક છે એવામાં આ સમાચારને લીધે સમગ્ર રાજ્યમાં હાઈ અલર્ટની નોટિસ મોકલવામાં આવી છે. બિહારના પોલીસ હેડક્વૉર્ટર દ્વારા આ ત્રણેય આતંકવાદીઓનાં નામ અને તસવીરો જાહેર કરવામાં આવ્યાં છે. પોલીસે આ આતંકવાદીઓની ખબર આપનારા માટે પચાસ હજાર રૂપિયાનું ઇનામ પણ જાહેર કર્યું છે.