મુંબઈમાં મહિલાઓ સામે થતાં ગુનાઓમાં ઘટાડો નોંધાયો: જાન્યુઆરી 2026ની રિપોર્ટ

જાન્યુઆરી 2026 ના આંકડા અનુસાર, મહિલાની છેડતીના કેસ સૌથી વધુ છે, જેની સંખ્યા 174 હતી. ત્યારબાદ અપહરણના 111 અને બળાત્કારના 80 કેસ નોંધાયા હતા. અન્ય ગુનાઓમાં ઇરાદાપૂર્વક અપમાન સંબંધિત 75 કેસ અને દહેજ માટે હેરાનગતિના 32 કેસનો સમાવેશ થાય છે.

પ્રતીકાત્મક ફાઇલ તસવીર (સૌજન્ય: મિડ-ડે)

મુંબઈમાં, વર્ષ 2026 ના પહેલા મહિના દરમિયાન મહિલાઓ સામે થતાં ગુનાઓના કેસમાં ઘટાડો નોંધાયો હતો. જોકે, વિગતવાર આંકડા પણ પરિસ્થિતિની જટિલતાને બતાવે છે. જાન્યુઆરી 2026 માં, મહિલાઓ વિરુદ્ધ કુલ 515 કેસ નોંધાયા હતા, જે જાન્યુઆરી 2025 માં નોંધાયેલા 621  કેસોની તુલનામાં 106 કેસનો ઘટાડો દર્શાવે છે.

કેસોમાં ઘટાડો, છતાં ચિંતાઓ યથાવત

જ્યારે ગુનાઓનો આંકડો મુખ્યત્વે ઘટ્યો છે ત્યારે સમયગાળા દરમિયાન ગુનાઓના ઉકેલ થાય હોવાના દરમાં ઘટાડો પણ નોંધાયો હતો. જાન્યુઆરી 2026 માં, ગુનાઓનો ઉકેલ થયો હોવાનો દર 79 ટકા હતો, જેમાં 405 કેસ ઉકેલાયા. આ દર પાછલા વર્ષ કરતા ઓછો છે, જેના કારણે તપાસ પ્રક્રિયા પર પ્રશ્નો ઉભા થાય છે.

ગુનાઓનું વર્ગીકરણ

જાન્યુઆરી 2026 ના આંકડા અનુસાર, મહિલાની છેડતીના કેસ સૌથી વધુ છે, જેની સંખ્યા 174 હતી. ત્યારબાદ અપહરણના 111 અને બળાત્કારના 80 કેસ નોંધાયા હતા. અન્ય ગુનાઓમાં ઇરાદાપૂર્વક અપમાન સંબંધિત 75 કેસ અને દહેજ માટે હેરાનગતિના 32 કેસનો સમાવેશ થાય છે. આ ડેટા દર્શાવે છે કે વિવિધ પ્રકારના ગુનાઓ નોંધપાત્ર સંખ્યામાં સપાટી પર આવી રહ્યા છે.

એકંદર પરિસ્થિતિ

એકંદરે, કુલ કેસોની સંખ્યામાં ઘટાડો થવા છતાં, ઘટતો જતો ઉકેલ દર અને ગંભીર ગુનાઓનો વ્યાપ સૂચવે છે કે મહિલાઓની સલામતી સંબંધિત પડકારો હજી પણ યથાવત છે.

મલાડ: યુવતીઓ પર થયેલા હુમલાના કેસમાં અત્યાર સુધીમાં સાત લોકોની ધરપકડ

મલાડ-ઈસ્ટના કુરાર વિલેજમાં શુક્રવારે સાંજે રિક્ષામાં પહેલાં બેસવાની સામાન્ય બાબતે થયેલો ઝઘડો હિંસક બન્યો હતો અને એમાં બાવીસ વર્ષની કિંજલ ગોહિલ સહિત ચાર ગુજરાતી યુવક-યુવતીની 25 જેટલા લોકોએ જાહેરમાં મારઝૂડ કરી હતી એવી ફરિયાદ કુરાર પોલીસ-સ્ટેશનમાં ગઈ કાલે નોંધાઈ હતી. અમદાવાદથી આવેલાં ભાઈ-બહેન સાથે કિંજલ મલાડ સ્ટેશન પાસે ખરીદી કર્યા બાદ ઘરે જવા માટે શૅર રિક્ષાની લાઇનમાં ઊભી હતી ત્યારે બુરખા પહેરેલી બે મહિલાઓ સાથે રિક્ષામાં પહેલાં બેસવાની બાબતે બોલાચાલી થઈ હતી. શરૂઆતમાં ધમકી આપ્યા બાદ કુરાર વિલેજમાં મયૂર જ્વેલર્સ નજીક તેમની રિક્ષા અટકાવીને 25 લોકો ભેગા થયા હતા અને ત્રણ ગુજરાતી યુવતી તથા એક યુવકને જાહેરમાં માર માર્યો હતો. મારનો ભોગ બનેલી યુવતીએ એવો પણ દાવો કર્યો હતો કે અમારી ધાર્મિક ઓળખ વિશે અપશબ્દો બોલીને અમને ધમકાવવામાં આવ્યાં હતાં. આ મુદ્દે સ્થાનિક બજરંગ દળના કાર્યકરો કુરાર પોલીસ-સ્ટેશન પહોંચ્યા બાદ પોલીસે 14 લોકો વિરુદ્ધ ફરિયાદ નોંધી હતી. ગુજરાતના અમદાવાદથી મહારક્ષત્રબ મુંબઈ આવેલી હિન્દુ છોકરીઓ પર થયેલા હુમલાના આરોપમાં કુરાર પોલીસે સાત આરોપીઓની ધરપકડ કરી છે. શિવસેના નેતા સંજય નિરુપમે કુરાર પોલીસ અધિકારીઓ સાથે મુલાકાત કરીને આરોપીઓને કડક સજાની માગ કરી હતી.