મુંબઈ યુનિવર્સિટીની સ્થગિત કરાયેલી એક્ઝામ્સ આવતી કાલથી

મુંબઈ યુનિવર્સિટીના શિક્ષકેતર કર્મચારીઓની ઘણી બધી માગણીઓ લાંબા સમયથી પેન્ડિંગ હતી અને એનો ઉકેલ આવી રહ્યો નહોતો.

મુંબઈ યુનિવર્સિટીની સ્થગિત કરાયેલી એક્ઝામ્સ આવતી કાલથી

મુંબઈ ઃ મુંબઈ યુનિવર્સિટીના શિક્ષકેતર કર્મચારીઓની ઘણી બધી માગણીઓ લાંબા સમયથી પેન્ડિંગ હતી અને એનો ઉકેલ આવી રહ્યો નહોતો. યુનિવર્સિટીની ૨૦૨૨-’૨૩ના વિન્ટર સેશન (ઑક્ટોબર-નવેમ્બર)ની ગ્રૅજ્યુએશન અને પોસ્ટ-ગ્રૅજ્યુએશનની પરીક્ષાઓ બીજી ફેબ્રુઆરીથી દસમી ફેબ્રુઆરી દરમ્યાન લેવાવાની હતી. બીજી તારીખે પરીક્ષાઓ લેવાઈ હતી. જોકે એ પછી શિક્ષકેતર કર્મચારીઓની મહારાષ્ટ્ર રાજ્ય વિદ્યાપીઠ વ મહાવિદ્યાલયીન સેવક સંયુક્ત કૃતિ સમિતિ તેમની માગણીઓને લઈને પરીક્ષાના કામકાજનો બહિષ્કાર કરીને આંદોલન પર ઊતરી જતાં પરીક્ષાઓ સ્થગિત કરી દેવાઈ હતી અને એ સંદર્ભેનું નોટિફિકેશન પણ યુનિવર્સિટી દ્વારા બહાર પાડવામાં આવ્યું હતું. સ્થગિત કરી દેવાયેલી આ પરીક્ષાઓ હવે ૬ ફેબ્રુઆરીથી લેવામાં આવશે એની જાણ કરતો સર્ક્યુલર યુનિવર્સિટી દ્વારા ગઈ કાલે બહાર પાડવામાં આવ્યો હતો. એ પરીક્ષાઓનું ટાઇમ ટેબલ યુનિવર્સિટીની વેબસાઇટ પર જોઈ શકાશે.