03 October, 2022 03:53 PM IST | Mumbai | Gujarati Mid-day Online Correspondent
મનીષ નરપજી અને તેના પિતા
મહારાષ્ટ્ર (Maharashtra)ના પાલઘર જિલ્લાના વિરાર (Virar)શહેરમાં એક ગરબા કાર્યક્રમ (Garba Event)માં ડાન્સ કરતી વખતે 35 વર્ષીય વ્યક્તિનું મોત થયું હતું. પોલીસે સોમવારે આ માહિતી આપી હતી. વિરાર પોલીસના એક અધિકારીએ જણાવ્યું હતું કે શનિવાર-રવિવારની વચ્ચેની રાત્રે વિરારના ગ્લોબલ સિટી કોમ્પ્લેક્સમાં એક ગરબા કાર્યક્રમમાં ડાન્સ કરતી વખતે મનીષ નરપજી સોનિગ્રા પડી ગયો હતો.
આ વ્યક્તિને તેના પિતા નરપજી સોનિગ્રા હોસ્પિટલમાં લઈ ગયા હતાં, જ્યાં તેને મૃત જાહેર કરવામાં આવ્યો હતો. દીકરાના મૃત્યુના સમાચાર સાંભળીને તેના પિતા પણ ભાંગી પડ્યા અને સ્થળ પર જ મૃત્યુ પામ્યા. મૃતદેહોને પોસ્ટમોર્ટમ માટે મોકલવામાં આવ્યા છે અને આ સંબંધમાં અકસ્માત મોતનો કેસ નોંધવામાં આવ્યો છે, એમ અધિકારીએ જણાવ્યું હતું.