21 March, 2026 01:44 PM IST | Mumbai | Gujarati Mid-day Correspondent
મલબાર હિલ નેચર એલિવેટેડ ટ્રેલ
મલબાર હિલ ખાતે નેચર એલિવેટેડ ટ્રેલ પર દરરોજ ચાલવા માટે હવે માસિક પાસ યોજના શરૂ કરવામાં આવી છે. આ યોજના હેઠળ ૭૫૦ રૂપિયા માસિક ફી લેવામાં આવશે. આનાથી આસપાસના વિસ્તારોમાં રહેતા નાગરિકોને ઘણો ફાયદો થશે.
આ યોજના હેઠળ માસિક પાસધારકોએ દિવસમાં એક વાર સ્લૉટ પસંદ કરવાનો રહેશે. સવારે પાંચથી સાંજે પાંચ વાગ્યા સુધી એક કલાકનો પ્રવાસ કરી શકાય છે. દિવસ દરમ્યાન ૧૬ સ્લૉટ છે અને એક દિવસમાં ફક્ત ૩૨૦૦ પ્રવાસીઓ આ રૂટ પર મુસાફરી કરી શકે છે. વિદેશી પ્રવાસીઓ પાસેથી દર મહિને ૩૦૦૦ રૂપિયા વસૂલવામાં આવશે. સામાન્ય રીતે એન્ટ્રી-ફી ભારતીયો માટે ૨૫ રૂપિયા અને વિદેશી નાગરિકો માટે ૧૦૦ રૂપિયા છે.
