22 December, 2025 05:54 PM IST | Mumbai | Gujarati Mid-day Online Correspondent
વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)
મુંબઇના મીરા રોડમાં આવલ કાશીમીરા વિસ્તારમાં આધાર કાર્ડ બનાવવા માટે વપરાતા કાર્ડનું બંડલ મળી આવ્યા હોવાનો ચોંકાવનારો કિસ્સો પ્રકાશમાં આવ્યો છે. આ આધાર કાર્ડના બંડલ મળી આવ્યા હોવાનો વીડિયો સોશિયલ મીડિયા પર વાયરલ થઈ રહ્યો છે. આ ઘટનાએ પ્રશ્નો ઉભા કર્યા છે, ખાસ કરીને મીરા ભાઈંદર મ્યુનિસિપલ કૉર્પોરેશનની ચૂંટણી 15 જાન્યુઆરી, 2026 ના રોજ યોજાવાની છે. આ વીડિયો ઇન્સ્ટાગ્રામ પર એક સ્થાનિક પેજ, મીરાભાયંદરકર દ્વારા શૅર કરવામાં આવ્યો હતો. પોસ્ટમાં, યુઝરે પ્રશ્ન કર્યો હતો કે ખાલી આધાર પીવીસી કાર્ડ જાહેરમાં કેવી રીતે મળી આવ્યા અને તેનો ચૂંટણી પહેલા ઉપયોગ કોઈ ગેરકાયદેસર કામ માટે કરવામાં આવ્યો છે. પોસ્ટમાં કૅપ્શન આપવામાં આવ્યું હતું, "#કાશીમીરામાં રસ્તાઓ પર ખાલી પીવીસી આધાર કાર્ડ મળ્યું. શું તે કાયદેસર છે કે કંઈક શંકાસ્પદ ચાલી રહ્યું છે, જ્યારે #MBMCelection આવી રહી છે????"
એક યુઝરે લખ્યું, "કોઈ ઝેરોક્ષ કે પ્રિન્ટિંગવાળાનું હશે." બીજા કોઈ યુઝરે સ્પષ્ટતા કરતા કહ્યું કે આ ખાલી પીવીસી કાર્ડનો ઉપયોગ મૂળ કાર્ડ માટે થતો નથી. "આ સ્ટેશનરી-શૉપના PVC કાર્ડ્સ છે, મૂળ આધાર કાર્ડ નથી. સરકારે સત્તાવાર આધાર પ્રિન્ટિંગ ફોર્મેટમાં ફેરફાર કર્યા પછી, આ પ્રી-પ્રિન્ટેડ PVC કાર્ડનો હવે માન્ય આધાર નકલો તરીકે ઉપયોગ કરી શકાશે નહીં." કેટલાક અન્ય યુઝર્સે કહ્યું કર્યું, "ભાયંદર ઇસ્ટ બીપી રોડ પર 300 રૂપિયામાં નકલી પાન કાર્ડ અને આધાર કાર્ડ બને હૈ. ફક્ત તમારો ફોટો આપો અને 4-6 દિવસમાં કાર્ડ હાથમાં, ઘણા બાંગ્લાદેશી અને ખબર નહીં બીજે ક્યાંના લોકો જે અહીં રહી રહ્યા છે, તેમણે બનાવ્યા છે.”
મીરા ભાયંદર મ્યુનિસિપલ કૉર્પોરેશનમાં કુલ 24 વોર્ડ છે. નાગરિક સંસ્થા પાસે કુલ નોંધાયેલા મતદારોની સંખ્યા 8,89,151 છે. જેમાં 4,33,553 પુરૂષ મતદારો છે જ્યારે 3,86,788 મહિલા મતદારો છે. રિપોર્ટમાં એમ પણ જણાવાયું છે કે મતદાર યાદીમાંથી ડુપ્લિકેટ નામો દૂર કરવાની પ્રક્રિયા હજી પણ ચાલુ છે, અને પુનરાવર્તિત મતદારો અંગેનો અંતિમ અહેવાલ 27 ડિસેમ્બર પહેલાં ચૂંટણી પંચને સુપરત કરવામાં આવશે.
આગામી મેટ્રો કનેક્ટિવિટી સાથે, મીરા ભાઈંદરનું મુંબઈ શહેર સાથેનું જોડાણ નોંધપાત્ર રીતે સુધરવાની અપેક્ષા છે. મીરા ભાઈંદરના રહેવાસીઓ માટે, પરિવહન લાંબા સમયથી સૌથી મોટી ચિંતાનો વિષય રહ્યો છે. મીરા ભાઈંદર માટે ટ્રાફિક જામ અને ખરાબ રસ્તાની સ્થિતિ સતત સમસ્યાઓ રહી છે. વધુમાં, મુંબઈના ઘણા ભાગોમાં તાજેતરમાં મરાઠી અને હિન્દી ભાષાના મુદ્દા પર ચર્ચાઓ થઈ હોવાથી, ભાઈંદર એક અલગ સામાજિક પડકારનો સામનો કરે છે. મારવાડીઓ, જૈનો અને બ્રાહ્મણોની મોટી વસ્તી ધરાવતા આ વિસ્તારમાં ઘણીવાર શાકાહારી અને માંસાહારી ખોરાક પ્રથાઓ સંબંધિત વિવાદો જોવા મળે છે.