વરલીમાં પાણીની પાઇપલાઇનમાં મોટું ભંગાણ- અનેક વિસ્તારોમાં પાણીપુરવઠો બંધ રહ્યો

D, E અને G સાઉથ વૉર્ડના ઘણા ભાગોમાં પાણીપુરવઠો સંપૂર્ણપણે બંધ રહ્યો હતો તેમ જ અમુક વિસ્તારોમાં દિવસ દરમ્યાન પાણીનું ઓછું દબાણ રહ્યું હતું.

વરલીમાં પાણીની પાઇપલાઇનમાં મોટું ભંગાણ

વરલીમાં પાણીની પાઇપલાઇનમાં અચાનક મોટું ભંગાણ થતાં કાળઝાળ ઉનાળા વચ્ચે મુંબઈગરાઓની મુશ્કેલીમાં વધારો થયો છે. ફેમસ સ્ટુડિયો નજીક ડૉ. ઈ. મોઝેસ રોડ પર ૧૬૫૦ મિલીમીટર વ્યાસની મુખ્ય પાણીની પાઇપલાઇન લીક થવાને કારણે લાખો લીટર પાણીનો બગાડ થયો હતો, જેના પગલે BMC દ્વારા ગઈ કાલે અનેક વિસ્તારોમાં પાણીપુરવઠો સ્થગિત કરી દેવામાં આવ્યો છે.
BMCના એક અધિકારીએ આપેલી માહિતી મુજબ પાઇપલાઇનમાં તિરાડ પડી ગયા બાદ બુધવારે મોડી રાત્રે લીકેજ થવાનું શરૂ થયું હતું. પાઇપલાઇનના સમારકામ માટે ગુરુવારે D, E અને G સાઉથ વૉર્ડના ઘણા ભાગોમાં પાણીપુરવઠો સંપૂર્ણપણે બંધ રહ્યો હતો તેમ જ અમુક વિસ્તારોમાં દિવસ દરમ્યાન પાણીનું ઓછું દબાણ રહ્યું હતું.