ઍક્સિસ બૅન્ક સાથેની અમૃતા ફડણવીસની ૨૩ વર્ષની સફર પર પૂર્ણવિરામ

અમૃતા ફડણવીસે જણાવ્યું હતું કે એક યુવા મૅનેજમેન્ટ ટ્રેઇની તરીકે બૅન્કમાં જોડાઈ હતી અને ક્રમશ: આગળ વધી

તસવીર સૌજન્યઃ સોશ્યલ મીડિયા

મુખ્ય પ્રધાન દેવેન્દ્ર ફડણવીસનાં પત્ની અમૃતા ફડણવીસે ઍક્સિસ બૅન્કમાં સિનિયર વાઇસ-પ્રેસિડન્ટની પોસ્ટ પરથી રાજીનામું આપી દીધું છે. ઍક્સિસ બૅન્ક સાથેની ૨૩ વર્ષની કારકિર્દી પર પૂર્ણવિરામ મૂકતાં સોશ્યલ મીડિયા પર અમૃતા ફડણવીસે જણાવ્યું હતું કે એક યુવા મૅનેજમેન્ટ ટ્રેઇની તરીકે બૅન્કમાં જોડાઈ હતી અને ક્રમશ: આગળ વધીને સિનિયર વાઇસ-પ્રેસિડન્ટ સુધીની સફર પૂરી કરી છે. તેમણે આ દરમ્યાન મળેલી તકો અને માર્ગદર્શન માટે કૃતજ્ઞતા વ્યક્ત કરીને ઍક્સિસ બૅન્કને પોતાના પરિવાર, શિક્ષક અને બીજા ઘર તરીકે ગણાવી હતી.