ભારે વરસાદને લીધે શનિવારે મુંબઈ ઍરપોર્ટ પર ૩૫૦ ફ્લાઇટ્સ મોડી પડી

પંદરથી વધારે ફ્લાઇટ્સને લૅન્ડિંગમાં તકલીફ પડી હતી અને બે ફ્લાઇટ્સને મુંબઈ ઍરપોર્ટને બદલે અન્ય ઍરપોર્ટ પર ડાઇવર્ટ કરી દેવામાં આવી હતી

પ્રતીકાત્મક તસવીર

મુંબઈમાં ભારે વરસાદને લીધે ગઈ કાલે મુંબઈ ઍરપોર્ટ પર ફ્લાઇટ ઑપરેશન્સમાં ભારે હેરાનગતિ થઈ હતી. આખા દિવસ દરમ્યાન ૩૫૦થી વધુ ફ્લાઇટ્સ મોડી પડી હતી. પંદરથી વધારે ફ્લાઇટ્સને લૅન્ડિંગમાં તકલીફ પડી હતી અને બે ફ્લાઇટ્સને મુંબઈ ઍરપોર્ટને બદલે અન્ય ઍરપોર્ટ પર ડાઇવર્ટ કરી દેવામાં આવી હતી. એક ફ્લાઇટને નાગપુર ઍરપોર્ટ તરફ અને બીજી ફ્લાઇટને અમદાવાદ ડાઇવર્ટ કરી દેવામાં આવી હતી. ઍરપોર્ટનાં સૂત્રો પાસેથી મળેલી માહિતી પ્રમાણે મુંબઈથી ઊપડતી ઓછામાં ઓછી ૨૮૩ ફ્લાઇટ્સ મોડી ઊપડી હતી, જ્યારે ૭૭ જેટલી મુંબઈ ઍરપોર્ટ પર આવનારી ફ્લાઇટ્સ પણ મોડી પડી હતી.