અનંત અંબાણીના લગ્ન પહેલાં રિલાયન્સના કર્મચારીઓમાં વહેંચાયા નાસ્તા અને મીઠાઈઓથી ભરેલા ગિફ્ટ બૉક્સ

લગ્નના મહેમાનોને ફાઇવ-સ્ટાર હોટેલમાં રોકાણ અને ભવ્ય ભેટો સાથે શાહી સ્વાગત કરવામાં આવી રહ્યું છે, જ્યારે રિલાયન્સના કર્મચારીઓને આ પ્રસંગની ઉજવણી માટે ગિફ્ટ બોક્સ પણ પ્રાપ્ત થયા છે

વાયરલ તસવીર

રિલાયન્સ ઈન્ડસ્ટ્રીઝના ચેરમેન મુકેશ અંબાણીના નાના પુત્ર અનંત અંબાણી આવતી કાલે મુંબઈમાં એક ભવ્ય સમારોહમાં રાધિકા મર્ચન્ટ સાથે લગ્ન કરશે. લગ્નના મહેમાનોને ફાઇવ-સ્ટાર હોટેલમાં રોકાણ અને ભવ્ય ભેટો સાથે શાહી સ્વાગત કરવામાં આવી રહ્યું છે, જ્યારે રિલાયન્સના કર્મચારીઓ (Reliance Industries Employees)ને આ પ્રસંગની ઉજવણી માટે ગિફ્ટ બોક્સ પણ પ્રાપ્ત થયા છે. 12 જુલાઈના રોજ અનંત અંબાણી અને રાધિકા મર્ચન્ટના ભવ્ય ભારતીય લગ્ન પહેલાં, રિલાયન્સના ઘણા કર્મચારીઓ (Reliance Industries Employees)એ તેમને મળેલા ગિફ્ટ બોક્સની તસવીરો અને વીડિયો સોશિયલ મીડિયા પર શેર કર્યા છે.

લાલ ગિફ્ટ બોક્સ પર સોનાની રેખાઓ છે, જેમાં લખવામાં આવ્યું છે કે, “અમારા દેવી-દેવતાઓની દૈવી કૃપાથી, અમે અનંત અને રાધિકાના લગ્નની ઉજવણી કરીએ છીએ. નીતા અને મુકેશ અંબાણીની શુભેચ્છાઓ સાથે.” બોક્સ (Reliance Industries Employees)ની અંદર હલ્દીરામના ચાર પેકેટ, મીઠાઈનું બોક્સ અને ચાંદીનો સિક્કો છે. નમકીન પેકેટમાં હલ્દીરામની આલૂ ભુજિયા સેવ અને હલકા ચિવડાનો સમાવેશ થાય છે. લાલ ગિફ્ટ બોક્સનો વીડિયો શેર કરતાં તાન્યા રાજે લખ્યું કે, “રિલાયન્સમાં કામ કરવાના ફાયદા.” નીતા અને મુકેશ અંબાણીએ તેમના નાના પુત્રના લગ્ન પહેલાં 50 યુગલોના સમૂહ લગ્નનું પણ આયોજન કર્યું હતું.

યુગલોને અંબાણી પરિવાર તરફથી સોના-ચાંદીના દાગીના, કરિયાણા અને અન્ય ઘરવપરાશની વસ્તુઓ સાથે 1 લાખ રૂપિયાનો ચેક મળ્યો હતો. દરમિયાન, ઘણા મહેમાનોએ તેમને મળેલા વૈભવી લગ્ન આમંત્રણોની તસવીરો પહેલેથી જ શેર કરી હતી. લગ્ન 12 જુલાઈએ થશે અને ત્યારબાદ 15 જુલાઈએ રિસેપ્શન થશે.

આમંત્રણના ભાગરૂપે મહેમાનોને ચાંદીનું ટ્રાવેલિંગ શ્રાઈન, પશ્મિના શાલ અને વધુ આપવામાં આવ્યું. અનંત અંબાણી અને રાધિકા મર્ચન્ટની પ્રી-વેડિંગ વિધિઓ માર્ચમાં ભવ્ય ત્રણ દિવસીય સમારોહ સાથે શરૂ થઈ હતી, જ્યાં મહેમાનોને જામનગરમાં રિલાયન્સ એસ્ટેટમાં લઈ જવામાં આવ્યા હતા. જામનગર ફેસ્ટિવલની ખાસિયત એ રિહાન્ના દ્વારા એક ખાનગી કોન્સર્ટ હતી, ત્યારબાદ બીજા દિવસે દિલજીત દોસાંઝનું પરફોર્મન્સ હતું.

જામનગરમાં ઉજવણી બાદ લંડનમાં વર-કન્યાના મિત્રો માટે ખાનગી પાર્ટીઓનું આયોજન કરવામાં આવ્યું હતું. પછી, જૂનની શરૂઆતમાં, અંબાણી પરિવારે સેંકડો મહેમાનો માટે ઇટલી અને ફ્રાન્સમાં સ્ટોપ સાથે લક્ઝરી ક્રૂઝનું આયોજન કર્યું હતું. ગયા અઠવાડિયે વાસ્તવિક લગ્ન પહેલાં અંબાણી પરિવારે સંગીત (જસ્ટિન બીબરના પ્રદર્શન સાથે), મામેરું, ગરબા રાત્રિ, હલ્દી અને ગઇકાલે શિવ શક્તિ પૂજા સાથે મહેંદી સમારોહનું આયોજન કર્યું હતું.

ઉલ્લેખનીય છે કે, અનંત અંબાણી-રાધિકા મર્ચન્ટના લગ્નમાં પીએમ મોદી સહિત દેશ-વિદેશથી ઘણા મહેમાનો મુંબઈ પહોંચશે. મુંબઈ પોલીસે બીકેસી અને આજુબાજુના રસ્તાઓ માટે ટ્રાફિક એડવાઇઝરી જાહેર કરી છે. તેમાં ટ્રાફિક ડાઇવર્ઝનની પણ વિગતો શેર કરવામાં આવી છે.