25 March, 2020 10:43 AM IST | Mumbai | Agencies
પ્રતીકાત્મક તસવીર
થાણે જિલ્લામાં પોતાના મિત્રને મળવા બ્રિટનથી આવેલા ૨૪ વર્ષના યુવક સામે ફરજિયાત હોમ ક્વૉરન્ટીનનો ભંગ કરવા બદલ ગુનો નોંધવામાં આવ્યો હોવાનું પોલીસ અધિકારીએ ગઈ કાલે જણાવ્યું હતું. પાલિકાના અધિકારીઓએ આ યુવકને સોમવારે નવી મુંબઈસ્થિત સીવૂડ વિસ્તારના એનઆરઆઇ કૉમ્પ્લેક્સમાં ન જોતાં તેની વિરુદ્ધ પગલાં લીધાં હતાં. આ યુવક થોડા દિવસ પહેલાં જ બ્રિટનથી પાછો આવ્યો હતો અને ફરજિયાત હોમ ક્વૉરન્ટીનમાં રહેવાનો આદેશ હોવા છતાં તે ડોમ્બિવલીમાં પોતાના મિત્રને મળવા ગયો હતો. યુવકની બેદરકારીથી કોવિડ-19નો પ્રસાર વધવાની ભીતિને ધ્યાનમાં રાખતાં નવી મુંબઈ મહાનગરપાલિકાએ એનઆરઆઇ પોલીસ સ્ટેશનમાં આ યુવક વિરુદ્ધ ફરિયાદ નોંધાવી હતી. હવે આ યુવકને થાણેમાં ક્વૉરન્ટીનમાં રાખવામાં આવ્યો છે.