13 February, 2025 07:01 AM IST | Mumbai | Gujarati Mid-day Correspondent
પ્રતીકાત્મક તસવીર
ભિવંડી પોલીસે રવિવારે ૧૯ વર્ષની ટીનેજર પર બળાત્કાર કરનાર તેના બાવીસ વર્ષના બૉયફ્રેન્ડ અને એ વખતે તેનો વિડિયો લઈને એને સોશ્યલ મીડિયા પર વાઇરલ કરનાર અન્ય એક મહિલા અને પુરુષને પણ ઝડપી લીધાં છે.
બળાત્કારની આ ઘટના ૨૯ ડિસેમ્બરે ભિવંડીના કામતઘર વિસ્તારમાં બની હતી. ભિવંડી પોલીસે આ બાબતે માહિતી આપતાં કહ્યું હતું કે ‘ટીનેજરનો બૉયફ્રેન્ડ તેને ઘટનાના દિવસે એક લૉજમાં લઈ ગયો હતો અને ત્યાં તેના પર બળાત્કાર ગુજાર્યો હતો. એ વખતે અન્ય બે આરોપીઓએ એ ઘટનાનું વિડિયો-શૂટિંગ કરી લીધું હતું અને એ વિડિયો તેમણે સોશ્યલ મીડિયા પર વાઇરલ કર્યો હતો. પીડિતાને જ્યારે જાણ થઈ કે એ વિડિયો સોશ્યલ મીડિયા પર ફરી રહ્યો છે ત્યારે તેણે આ સંદર્ભે પોલીસમાં ફરિયાદ નોંધાવી હતી. અમે તપાસ કરી ત્રણેય આરોપીઓને ઝડપી લીધાં છે. તેમને કોર્ટમાં હાજર કરતાં આજ સુધીની પોલીસ-કસ્ટડી આપી છે.’