ઈરાન ૪૮ કલાકમાં ઇઝરાયલ પર હુમલો કરી શકે છે

પ્રતીકાત્મક તસવીર

અમેરિકી અખબાર ‘વૉલ સ્ટ્રીટ જર્નલ’એ ઇન્ટેલિજન્સ એજન્સીઓને ટાંકતાં દાવો કર્યો... ઈરાન ૪૮ કલાકમાં ઇઝરાયલ પર હુમલો કરી શકે છે, ભારત સહિતના દેશોએ ઇઝરાયલ-ઈરાનનો પ્રવાસ નહીં કરવા નાગરિકોને ચેતવ્યા : અમેરિકા હાઈ અલર્ટ પર, જર્મનીએ ફ્લાઇટ્સની અવરજવર રોકી

વર્ષો પછી પહેલી વાર ઈરાન-ઇઝરાયલ આમનેસામને
અત્યાર સુધી ઈરાનની સરકાર ઇઝરાયલ સાથે સીધી ટક્કર ટાળતી હતી. ઈરાન હમાસ અને હિઝબુલ્લાહ જેવાં સંગઠનો દ્વારા ઇઝરાયલ પર હુમલા કરતું આવ્યું છે, જ્યારે ઇઝરાયલ અત્યાર સુધી ઈરાન વિરુદ્ધ સીધી ઍક્શન લેતું આવ્યું છે.

ઇઝરાયલ પાસે ફાઇટર પ્લેન વધારે, ઈરાન પાસે યુદ્ધજહાજ વધુ
ઇઝરાયલ અને ઈરાનના સૈન્ય વચ્ચે તુલના કરીએ તો ઇઝરાયલ પાસે ૪૬૦ ફાઇટર પ્લેન છે જેની સામે ઈરાન ૩૩૬ ફાઇટર પ્લેન ધરાવે છે. જોકે સમુદ્રમાં ઈરાનની તાકાત ઇઝરાયલથી વધુ છે. ઇઝરાયલ પાસે ૬૪ યુદ્ધજહાજ છે, જ્યારે ઈરાન પાસે ૨૬૧ યુદ્ધજહાજ છે. ઇઝરાયલના ભૂમિદળમાં ૭.૫૨ લાખ સૈનિકો છે જેની સામે ઈરાનની આર્મીમાં ૧૧ લાખથી વધુ સૈનિક છે.