24 May, 2017 04:42 AM IST |
આમિરની ‘દંગલ’માં તેની દીકરી ગીતા ફોગાટનું પાત્ર ભજવનારી ફાતિમા ‘ઠગ્સ ઑફ હિન્દોસ્તાં’માં આમિર, અમિતાભ બચ્ચન અને કૅટરિના કૈફ સાથે કામ કરતી જોવા મળશે. ફાતિમાએ બીજી ફિલ્મ પણ આમિર સાથે સાઇન કરી હોવાથી એવી ચર્ચા છે કે આમિરના કહેવાથી તેને આ ફિલ્મ ઑફર થઈ. આ વિશે કિરણ રાવ કહે છે, ‘અમે કાસ્ટિંગમાં વધુ માથું નથી મારતાં. આ યશરાજ ફિલ્મ્સની મૂવી છે. તેથી આદિત્ય ચોપડા, વિજય ક્રિષ્ન આચાર્ય અને આમિરે મળીને આ નિર્ણય લીધો છે. આ તેમના બધા માટે ખૂબ જ મોટી ફિલ્મ છે અને તેમણે સમજીવિચારીને જ ફાતિમાને આ ફિલ્મની ઑફર કરી હશે.’