મારી પત્ની વર્જિન છે કે કેમ એનો અંદાજ મને કેવી રીતે મળે?

મારી પત્ની વર્જિન છે કે કેમ એનો અંદાજ મને કેવી રીતે મળે?

પ્રતીકાત્મક તસવીર

સવાલ- પચીસ વર્ષની વય છે અને ડિસેમ્બર મહિનામાં મારાં લગ્ન થવાના છે. લગ્ન પહેલાં મારી બીજી ગર્લફ્રેન્ડ સાથે હું ઇન્ટિમેટ રહી ચૂક્યો છું. જોકે હવે નવા સંબંધમાં ખૂબ એક્સાઇટેડ છું. મારી એક્સ-ગર્લફ્રેન્ડ સાથે હું પાંચ-છ વાર ઇન્ટિમસી માણી ચૂક્યો છું, પણ પહેલી વારમાં જે મજા આવેલી એવી મજા એ પછીના એન્કાઉન્ટરમાં નહોતી. એ વખતે મૅગેઝિનો વાંચતો ત્યારે ખબર પડેલી કે સ્ત્રીની વર્જિનિટી તૂટે ત્યારે હસબન્ડને પણ આનંદ થતો હોય છે. આ વાત મારી એક્સ-ગર્લફ્રેન્ડના સંદર્ભમાં પણ સાચી પડી હતી. હવે મને વિચાર આવે છે કે શું મારી ભાવિ પત્ની વર્જિન હશે તો જ મને એવો આનંદ મળશે? મારી પત્ની વર્જિન છે કે કેમ એનો અંદાજ મને કેવી રીતે મળે?
જવાબ- સૌથી પહેલાં તો જે મૅગેઝિનોમાંથી તમને આવી વાત વાંચવા મળી હતી એ વાંચવાનું તાત્કાલિક બંધ કરી દેવું જરૂરી છે. તમારા આનંદ અને તમારી પાર્ટનરની વર્જિનિટીને કોઈ લેવાદેવા નથી. ઇન ફૅક્ટ, તમે પોતે વર્જિન હતા એ મહત્ત્વનું હતું. મતલબ કે તમારા માટે એ પ્રસંગ પહેલી વારનો હતો જેને કારણે તમને એ ઇન્ટિમસી વધુ એક્સાઇટિંગ લાગેલી. સેક્સનો પહેલવહેલી વારનો અનુભવ જો પ્રિય પાત્ર સાથે થાય તો એ રોમાંચક જ રહેવાનો. તમારી એ પાર્ટનર વર્જિન ન હોત તો પણ એવું જ થાત. વર્ષા સુધી કોઈએ ખાવાનું ન ખાધું હોય ને સામે ગરમાગરમ રોટલીવાળું તૈયાર ભાણું મૂકવામાં આવે તો પહેલી રોટલી તમને વધુ મીઠી લાગે ને એનાથી સંતુષ્ટિ પણ વધુ થાય. એ પછીથી રોજેરોજ ખાવામાં તમારી ભૂખ જરૂર સંતોષાય પણ પહેલી વારની રોટલીમાં જે મીઠાશ અને તૃપ્તિ મળેલી એટલી કદાચ ન પણ મળે. એવું જ કંઈક પહેલી વારના સેક્સનું કહી શકાય.
એ જ કારણે તમારી ધારણા સાવ જ ગલત છે. તમારી વાઇફ વર્જિન હોય તો જ તમને એવો સંતોષ મળશે એવી ભ્રમણામાં ન રાચશો. મનમાં કોઈ જ ચિંતા રાખશો નહીં કે તમને વાઇફ સાથે કેવો આનંદ મળશે. જો તમે પત્નીને દિલથી પ્રેમ કરશો અને મનમાં શંકાકુશંકાઓને સ્થાન નહીં આપો તો લગ્નજીવન સુખી થશે જ એવો વિશ્વાસ રાખો.