Dhirubhai Ambani Birth Anniversary: ટીના અંબાણીએ શેર કરી ખાસ પોસ્ટ, લખ્યું…

ટીના અંબાણીએ તેમના સ્વર્ગસ્થ સસરા ધીરુભાઈ અંબાણી (Dhirubhai Ambani Birth Anniversary)ને તેમની જન્મજયંતી પર હૃદયપૂર્વક શ્રદ્ધાંજલિ આપી હતી

તસવીર: ટીના અંબાણીનું ઇન્સ્ટાગ્રામ ઍકાઉન્ટ

ભૂતપૂર્વ બોલીવુડ અભિનેત્રી અને ઉદ્યોગપતિ અનિલ અંબાણીની પત્ની ટીના અંબાણીએ તેમના સ્વર્ગસ્થ સસરા ધીરુભાઈ અંબાણી (Dhirubhai Ambani Birth Anniversary)ને તેમની જન્મજયંતી પર હૃદયપૂર્વક શ્રદ્ધાંજલિ આપી હતી. તેણીએ ઇમોશનલ નોટ સાથે ઇન્સ્ટાગ્રામ પર એક થ્રોબેક ફોટોગ્રાફ શેર કર્યો હતો.

ટીના અંબાણી (Dhirubhai Ambani Birth Anniversary)એ લખ્યું કે, “પપ્પા, વર્કસાઈટથી લઈને બોર્ડરૂમ સુધી, ઘરથી લઈને પબ્લિક ડોમેન સુધી, તમે અમને દરેકને શીખવા માટે હંમેશા તૈયાર રહીને આત્મવિશ્વાસ રાખવાનું શીખવ્યું છે; નિખાલસ રહી નમ્ર રહી, મૂળમાં રહીને ભવિષ્ય માટે તૈયાર રહેતા શીખ્યું છે.”

તેમણે ઉમેર્યું છે કે, “તમે માત્ર એક અદ્ભુત પિતા જ નહોતા, પરંતુ અમારી પાસેના સૌથી મહાન શિક્ષક હતા અને તમારા પાઠ અમને બધાને માર્ગદર્શન આપતા રહે છે. જન્મદિવસની શુભકામના. તમારો આભાર.”

પ્રિય ફોટોગ્રાફમાં ટીના અંબાણી (Dhirubhai Ambani Birth Anniversary), અનિલ અંબાણી, કોકિલાબેન અંબાણી અને ધીરુભાઈ અંબાણી છે. આ વર્ષની શરૂઆતમાં, તેણીએ થ્રોબેક ફોટોગ્રાફનો સેટ અને એક નોંધ પોસ્ટ કરીને ધીરુભાઈ અંબાણીને પણ શ્રદ્ધાંજલી આપી હતી.

તેણીએ લખ્યું છે કે, “ધીરુભાઈ અંબાણીએ ગઈકાલે કર્યું હતું જે આજે બાકીનું ભારત કરી રહ્યું છે. ઘણી બધી રીતે તેના સમય કરતા ઘણો આગળ, સાચો સ્વપ્નદ્રષ્ટા. ઘરે, તેમણે અમને દરેકને બોક્સની બહાર વિચાર કરવા, આપણી જાતનું શ્રેષ્ઠ સંસ્કરણ બનવા અને આત્મ-વાસ્તવિકકરણ માટે પોતાને સમર્પિત કરવા પ્રોત્સાહિત કર્યા. પપ્પા અમે તમને દરરોજ યાદ કરીએ છીએ અને અમે તમારા અનંત શાણપણને અમારા પોતાના જીવનમાં લાગુ કરવાનો પ્રયાસ કરીએ છીએ.”

ધીરુભાઈ અંબાણી તરીકે જાણીતા ધીરજલાલ હીરાચંદ અંબાણીએ રિલાયન્સ ઈન્ડસ્ટ્રીઝની સ્થાપના કરી હતી. 6 જુલાઈ, 2002ના રોજ તેમનું અવસાન થયું હતું. બોલીવુડની ભૂતપૂર્વ અભિનેત્રી ટીના અંબાણીની વાત કરીએ તો તેમણે ‘બાતોં બાતોં મેં’, ‘રોકી’ અને ‘યે વાદા રહા’ જેવી ફિલ્મોમાં કામ કર્યું છે. તેમણે 1991માં ધીરુભાઈ અંબાણીના નાના પુત્ર અનિલ અંબાણી સાથે લગ્ન કર્યા હતા.

માત્ર રૂા. 500 સાથે મુંબઈમાં આવ્યા

પેટ્રોલ પંપ પર કામ કરતી વખતે જ ધીરુભાઈએ કંઈક મોટું કરવાનું વિચાર્યું. માત્ર પાંચ વર્ષ પછી, તેઓ 1954માં ભારત પાછા ફર્યા. તે થોડા દિવસ ઘરે રહ્યા અને બાદમાં માત્ર 500 રૂપિયા લઈને મુંબઈ ગયા. તેમણે મુંબઈના દરેક માર્કેટની મુલાકાત લીધી. અત્યાર સુધીમાં તે સમજી ગયા હતા કે ભારતમાં પેટ્રોલિયમની માગ છે અને વિદેશમાં ભારતીય મસાલાની માગ છે. આ પછી તેણે આ સેક્ટરમાં શરૂઆત કરી.

રિલાયન્સ કંપની શરૂ કરી

8 મે, 1973ના રોજ ધીરુભાઈ અંબાણીએ રિલાયન્સ કૉમર્સ કૉર્પોરેશનના નામથી બિઝનેસ શરૂ કર્યો. તેના દ્વારા ભારતીય મસાલા વિદેશમાં વેચાવા લાગ્યા અને વિદેશી પોલિએસ્ટર ભારતમાં વેચાવા લાગ્યું. ધંધો વધ્યા પછી ધીરુભાઈ અંબાણીએ ક્યારેય પાછું વળીને જોયું નથી. જ્યારે આ કંપની શરૂ થઈ ત્યારે 350 ચોરસ ફૂટની ઑફિસ (રૂમ)માં માત્ર એક ટેબલ, ત્રણ ખુરશીઓ, બે મદદનીશો અને એક ટેલિફોન હતો અને તેઓ દિવસમાં માત્ર 10 કલાક કામ કરતા હતા. બિઝનેસ એટલો ઝડપથી વધ્યો કે 2000માં તે દેશના સૌથી ધનિક વ્યક્તિ બની ગયા.